¹ Na Pita, Yesu Kerison Apasol ee iji bijihali jene ée ega aido aido va Pontasi, Galeisa, Kapatosi, Esia, ém Pintia gijen abiála hijul ijei bun veju. ² Ehunana jal nimaa vemhunije Godiho giaman ijehun ije bijehan, em Godin 'Aveni vem maliniam hun áa gijapa vem jan sisegija balimane. Godila ja maji vwihiami madú vi'in ijaho jun vaji ito'o balinane. ³ Vem nún Natopa Yesu Kerison Godi ée omije alolap hune hu nú ni'inmani numiluman vaijen vejum Yesu Kerisola gua'ulinan ije nimaa vejal ijehun nú nin'o nahenúm majama himhun ijaho abejale. ⁴ Em aagia age enghunijeja balim hune, basiselim hune ijija gahen 'adal doi jun ajuhu'alavo. ⁵ Godila hun haluli jen ajuh'o jun nimailoga vaijen ni'ajuhan ijaho vega dúman ijen sama'lin giamhun amaili'alam. ⁶ Ijehun ja opmani demania'avale, enijehun ja japmaipa ja sise'o hiju'ivo vega dumani jaho ja demani'am hune. ⁷ Eni'ivo jun nimailo gijapa guld asinmani 'ua guldigijo ba siselini babalimhunije ja miani ve giavol ijai'in miani ve giam lo ehi le balihun, Yesu Kerisola lo'an vegijaho jun binani ijaho idomani ulimhun. ⁸ Ja hu baga'ivo ja hu oi mavo, ee ja hu jepmaihi bagavo'ivo ja hu nima veju, ijehunmai ni'inmani demania aman, sa'aijaho Ili ba'walamhun ijen alolap'avale . ⁹ Jal nima vejul ijaho jon Avenije ni'ajipa maliniam hun. ¹⁰ Poropet bu agé ni'ajup huna unama agaho bu hai'avia bigen 'alaum mavwihinúina joni lomhun ijaho 'waravale, ¹¹ Egia lapne'en vegia labi lemhuni jaho salval vegijen Kerison Avena bun vaji hinan ijapa dumna'i Kerisola hap hina abe hun bivon ulimhun ijaho najiahane. ¹² Bu najehum gaval ijija bu bubesom ba ni'ajap alal, emni'vo ja ni'ajihi nugu'a jalama lenan ijija ega'e Ila ma'aga maiu'in kui'ini ijibo Godin Aveni adal 'ahi lomhun ijehun vaji nugu'a ee Godin kinom o'in ijibo he'ila 'ulavejul ijaho 'walaval. ¹³ Ijihun mamam ojun vwihai ve ojun oija junija ajupala'avale. Maji vwihuina Yesu Kerisola abe lo'ani ijehun dai lana'avare. ¹⁴ Alesi ina'e adail bahejul iji vejul ija'in ve, avali'vo jabieng sui hii haphun ula vejul ija'in bave'avale. ¹⁵ Enijivo ega alimaa ga'e ja iji bijehan ije valel'in le'avale, jun hiiga vaiijaho agulme alimaa hi'avale. ¹⁶ Ijehun maji jaho Godin Ila vaji ijáin vejal na ega alimagi jehum ja'o alimaa hi'aval. ¹⁷ Hu ama'e lomna'om balenuni jene. Hu epa alimani vajephup 'walia mani jaho jal jalama agen majéi hióm ve'al ijeja hun hul ve'ale. ¹⁸ Janim hega uul ija'in, janin'o imenim malniam ijaho sasibun suihuni ijeve goldi silivai imegn maliniam huna bane. ¹⁹ 'Eni'ivo Yesu Kerison 'aaga mana gijen ime'eguma. Hu alesi sipsipa'e giaha nagida matana bala'in. ²⁰ Hu suinim mwe'a mai'o baveiin ijen hu iji bijahum hinani'ua vega númmanijen lanam loman. ²¹ Ja hun vaji ja Godin nimaa vejal ijehon magijaho hul vem hu guman ijah ulinane hun binan vejum ulinan ijehun jai inma vesui ijaho Godin vaji alamu. ²² Ja maji jehun Ilhe vejum jun oija maliniaman mamam vwihu jun oimi'a vale enale oija vaimaga gamanle oi eng'ala'vale. ²³ Godin ila mai'o hi'ina majamaja alai'ina vaijijen nahe nimané ijehun magijaho vouol'ee babalim hun ijaho bani'ivo malama alam hun ijen nahenia vale. ²⁴ Ijehun mai Ee maho'o sinali séin em bun bin ani jaho sinal buna'e bun sonabuna sili alalam hun eni'ua sinal bul sagatlini alihul ijai'in au aliehun. ²⁵ 'Eni'ivo Egophun Ili jaho majamaja ala va'a ni'ua ija ila'eeja nahenial ijen.