¹ Ijehun mai ee 'amo'a bamatetia 'aval badú vedip 'avale ee ba'atia 'avale em save buna ba 'avot 'avoti banami 'avale Ee 'aho'o bun nugua ije gia oi sise bavwiphun ee 'aho'o ba 'ulalip 'avale. ² 'Evo musibo mutmam i'ila vwipul ijai'in Godin ilije hemhun 'ahiaegen he'avale em ijapa niájehe vemga Ema'in le'avale. ³ Ijehun magijaho egophun ilija janim hejale. ⁴ Ja huni loval ijaho hu muna'e mai'o hi'in em emabo sedie val ijene, eni'ivo Godila hun vwipi jen hu iji bijahane,ijehun Godin 'una'i ijaho mama. ⁵ Ja'o alesi muna'e mai'o hi'ina'e egmi 'aven hun Pristi lejale eni'ua 'aven hun sumata'e Godila deman hunija'ina Yesu Kerison vejule. ⁶ Enijehun Godin ila vaji ija'in 'ual úman: Age hep na muna maa ga'e mavaliséini ijene iji bijehe soinoi lanavode eni'ua egijalapa hu nima ve'an ijaho hu ba oihinhun 'umane. ⁷ Ja ega'e nima véin ijei buná 'ijaho mamai'ivo ega'e al nimaa véin iji bul munagho 'onaval em hu lo ega nimaa véin ijibun 'aloma dehajan lenamino. ⁸ Em muna'e jivevimi 'omhuni jene ee muna'e jum'uliep hunijene, ijehun magijaho bu hun ila bahe bavejul ijehun bu eha sise abemhun. ⁹ Eni'ua ja ega'e iji bijihal egija ja Pristi ga'e ega nimanimagijene 'ua ja Godin ee lejale 'eni'ua ja hun mamagije alolahe vejule. Hu mugulupa vaijen lajuhan. ¹⁰ Suijaho nú Godin ee bani'ivo nú jepi jaho nú Godin ee ja sui ijaho ja numilia'in ja balejale'ivo jajepi numili'i ijaho ja abejala. ¹¹ Ehuna na ja oimihula gija na ja enmihi 'ualiavo, ja jepmaipa ja ala bet'ole ijehun ja age mwe'aga mamaip himhune enale jun hapi iji bul leji jun vaji ajila vejul ije ale'avale. ¹² Jon karagija Gental bun una'i jaho mamale 'avale bu ja sise banibijihé 'waliam hun i'ivo, ja mamagae'e vejulije gia vega hun nillilla lo'ani ijaho hu Godi alolap hun. ¹³ Ema'ina ulinia'in ije bun hulve lolp hi'avale ehii kinbul ajuhul ija'in. ¹⁴ Gavanagi jija ega'e sise vei'in ijeja epmihe ega alimagi jija hu aloliaphun ijeja lajiahune. ¹⁵ Ja unama agai'in vejul ijeja Godin umame eni'ua ja unama alimagije ve'al ijaho ega nijapvii'in ijeja bun ila balimhun. ¹⁶ Jai'i ba'ani jehun Godin buebul vejul ijai'in ve'aval. ¹⁷ Emaho'o bun hulve vwehu jon oimiahe kinbun agul ve'aval. ¹⁸ Buee jun ega mamai'in iji bun hul've bun loli hi'aval em ega'e mamave agul aguli hijul ijei bun mamba ve'avali'iivo ega sise'o hijul eji bun loli hul'ove'a vale. ¹⁹ Ijehun magi jaho egija lapa Godin ven' vaum oihin'o sise hinun vaji em sise, ahúlvun vajen hulve hijul ijaho Godiho oimalimue. ²⁰ Ja sise vemga bu sise ahien ja boitó gilini ja'agip hial ijeibun ep ijaho jalabe? e'vo ja mamagije vejul ijehun ja'agip ajulini hii va'ale Godiho omalimhun . ²¹ Ijehun magijaho ja ija'in venhun úlmeniaman, Kerisoho juni jehun sise'o hinane jahun ina'aiji juvenmi va'hun najuhan. ²² Hu sise bisa bave'in, hun ila vaji 'ata bisa bahei'in. ²³ Bu ila sise 'ualaval'ivo hu eha bavei'in hu hap hinmani'ivo hu eha bavenan eni'ivo Godila otoga aliman vemhunise mavenan. ²⁴ Eni'ua hul hu besom nún sisegija hul hun hapa'ahi abeva Keriso doi ajeman ega hul sise'o hijul ijaho guan bali'em mama alima himhun hun hapa'e nabaman ijapa nú malinúman. ²⁵ Ja vega bonga sipsipbo unama asinmi aido va'al'ivo ja nin'o sip ajuhi'in ijehuni unaloval ene nin'o jun Aven ajuhi'in ijehuni lovale.