¹ Simona Petoro kowa'ati dubu via hiva'a dubu ri Iesu Keriso ido , naihaiha i'i bodio'o naihaiha owaiumo opuito imo'o nou nemidaumo, gamo'oiha nou goro wa imo Iehova'i via Kowabai dubu Iesu Keriso. ² Mea moari via amea auo umoiti komodoboa wa Iehova via Iesu imo Tana mere i'i umo'i nou gorowa . ³ Auoha nanai nou kodabuai nanari ,tana enaena'i via tana koromododidio ito kemidio tau mina'airo Aba Iehova imini'i noito ,botiro nituaro imo nou tana enaena'i ki'iro mabu wa via tana kemidio ki'iro i'i tau nima'airo Iehovaro nou imini'i noudo botiro nituaro imo nou komodabuai via mea goroudo . ⁴ Nou gorowa opuito tau nima'airo via auo umo ina korododiai'i nou gorowa roro kerema'ai i'i umoa tana batiwa ,uba goro udo taunodau hopu nu noudo touai uba kiraromo imini'i noudo . ⁵ Nou mabu wa badi ,ro mea haiha tadodi'ai mea'i odabuai ro nai haiha i'i nou ito ,via meai noido mea imini'i odabuai , ⁶ mea imini noido tadabuai koro mododi'dio,koro mododi'dio'i noido tadabuai kerema'hebidio via ki'iro koe'i ,ki'iro koe'i noudo tadabuai tana kemidio , ⁷ tana kemidio'i noido tadabuai vihia dubu niro'i via tadabuai niro . ⁸ Ina nana'u romu wa via romu ihuo wa ,roro airi ahomo da'i o'o iopu tato oiti rahe imo tana Iesu Keriso imini gorowa . ⁹ Ina botiro nananu i'atato mere i'i nou tarihawa kiauri mere ri tou ai nou idoma komokomo ri ,imni'ito dodo koiti nou tauo rodu'uti opu ito uba'i noudo . ¹⁰ Nou mabu'i neiri vihia mere ,meahaiha tarododiai ro viro'i koviai'i naihanaiha owai ,roro nana nu idodiai wa ,ro nou ubaubaha itoboarahe . ¹¹ Ina naiba nave'i nou ito nouwa airomodo'doa da'i godogodo meai romabuwa via kido biri humori bubu batito imo Tana via kowabai dubu Iesu Keriso . ¹² Nou mabu wa ,nou auwoha ta'u imini imini nemidio da'i rio itomui nananu noua ,nau aibo rio umori nei ,na'u aibo ro pupuori naihaihai nouwa romu doihabuo nou ro'a . ¹³ Moro kararomo i'i nou koparori ,nou aibo mo ainemidio kuriha moto wa ,ro owaoroi kotomu wade ito . ¹⁴ Mo umori kuriha moto nu kotateai ta'u'i nou tariha wa ri ,naibaihari imo Tana mere Iesu Kereso ro motau nomo waeviaro . ¹⁵ Na'u aibo moro aino dodiai dai mo auoha pupuo i'i nouiti ,eauri wa mo ko'ui nou do'oito roro auoha tau airilaromo dai nanau . ¹⁶ Imo'o atanai umo koiti'i via kemidai umoi nou ito o'o imatidiai biahai o'o tobudia orowa'i noubiahai imo'o rio umo nou niwai umo pupuoi imo tana mere Iesu Keriso karaiwai'i na'u aibori imo'o idomaito tauneaurimo nou koparo'i . ¹⁷ Nou pai oiti via Abae Iehova pidamea'i nou muri ina nouro diamo emerewai koparo pidai nou goroudo karoi ;Nou mo giopu ito niro kema'ai Mere rimo auo geiri noumuri . ¹⁸ Imo himiao nemerevidio umo viro nu kovoruoi bubu batido touai imo nou mori tana akabu'inouwa . ¹⁹ Tou ai imomuri opuito wade'i nouro nimododiai auo umo oiti ,roro meaha ododiai ro kemerevidio i'i nouito , nau'aibori gamo'ori airaratidiai da'i duri'i batiwa .Tou ai hivio i'i nouwa ai roudairo taritari via mo'bii i'owa ro giopu gorowa . ²⁰ Auoha nana nu nei ohuwa ,ro umo'taiti nauaibo auoha hohoito kimodobuti wadeioi pai meawa o'umo biahai mereha at au'e . ²¹ Ata hohoito kimodobuti wade ata owou biahai mere ataronou niro i'i nouito ,na'una mereha Iehova au'e aroumo touai nei Tana Urio ro nou imowaewo .