¹ Kiromohuodio kiatomuai oubi aioumo oubido, ina aruina dai kiromohuo kiatomuai badi airo'udaimo rioido. Nei'o kimopiuti via uba nave ito, uba naihaiha kowai totoi, via neio airematio daidumo Enanena dubu botiro iwohauro duri ido. Neio uba hagohago airowaimo enhimiaido. ² Godo'o airibodo daidumo nei imini'i, nei gamo'o naihaiha navenu via koromododidio mauri Iehova ido via tore tato roitidai dumo. ³ Nei nauoha noito mauri'i noito neio niro tato mauri'i ro airomododiai da'idumo o'ui tiaha wade ito. Tutu ta'u nei keremahebidio uba'i imini gorowa kowa'ati kohoda'i, dawodawo'i, via nei atana uba kowai'inou uo biahai . ⁴ Aba Iehovaro idabuai biahai uba neioi ododiaumo aneru'i. Na'una nouro naihaiha iamesolouaro Temeteme korowa'upo batito ivi ramu via duri'i gorowa imidioi koto hivio omotoi . ⁵ Nouro badi odabuai biahai opuito hopui. Na'una, nouro Noah ki'iro aiomohidio mabu nou hiwa'a duburi gamo'o ki'ironu nouwa, sevani oubi aruina mu, nouro obo nou ovio hopunu nouwa kemerevidio tato oubi'i nei mabu wa . ⁶ Iehova ro Sodoma via Gomala o'opo ne'ewanu aidiamama gahuawa uba oubi mabuwa, neiti aibodoi'mama keauri batiri tounaro rorododiai dai Urio Abea mu emidio tato wa . ⁷ Nouro gamo'o Lota uba'i noudo aiowabai, bodioi ki'iro koko via temeteme imini kiraromo oubi goroudo . ⁸ Noudo gamo'o dubu, botiro emidio hivio ata'ata, nou urio auo uba via temetemeri dawodawo oubi kowa'ati kimeauri'i via kimerevidio'i . ⁹ Tana Abea umori taiba naveito iwabai Iehova oubi goroudo, via taiba ohidioi gamo'otato oubi'i temeteme eremahebidiomoi koto hivio'i nouwa . ¹⁰ Ina nou naihaihari bodio'o ridodiai dumo hivio modobo koromohuo kara'i nei haropa niro'i via nirotato imini touai neio ibodoi kima'ai nani'. Imini gamo'o via rohimia- niro nei nou tore biahai naiba kara nu idodiai koromododidio tato noudo botiri komododidio via koparoiha naubuo ri . ¹¹ Na'una aneru'i bodio nei pupuori via enaenari neio ibodidio rahe nirotato wade nehimia koto wa Urio Abea hohoito . ¹² Ina oubinu, na'u aibo aninatato bu'inaio, nei keredea gamo'ori naa emidai doaito via naa uba kowai ki'iro . ¹³ Neio airemidai daidumo nei kerere mabu'i. Neio kiraromo i'i nei kemidio ki'iroi nou meahari kerere ata biahai auoha hivio nei nanao kiape'e oubi'i .Nei nou kiateai iriori via keikibuo natori ki'irowa. Nei ge'iri nei kotateai mauri'i via kara'i nei romu aria dou oro'idiowa o'o ihowa. ¹⁴ Nei sivokori idomai ri; nei niroo iapeuti biahai ubauro. Nei kono kimi'imai ri ata merei nouro kema'ai mea'i nouro nei urio i'i kemidio mea biahai kerere mabu wa, via nei giopu kiatomuai ri mereiha na'i araho'oi nouro. Nei nou uba mere kekeri ! ¹⁵ Nei'o airemeheai dumo gamo'o nave'i via airoudumo ko'u kawa, airobododumo Titi ebiha Agibe mere, bodioi nei nirori emidaimoi viha gamo'o tato kemidio noudo . ¹⁶ Ina nouro ko'u nohimia nave'i nouwa touai kobodoi pupuo koibumai nou kerereri o'o ubari nohimia o'ui hohoito tounai nouro koihiai oveai - touai wade tato doniki ro karo mereha wade diamoito kemadohiomairi hiwa'a dubuio i'i naihaiha kiromohuo'i . ¹⁷ Neiria'a dubui'onu nei omowapo kekeri obo iroruo tato via huromaro kihiputi kimovodaudio obori .Ge'i tatonu nou duri'iri gobere neiau'e kemidairi . ¹⁸ Neio karo diamo'i nou nehimia korovio imini'i nouri via ki'iro wa oubi niro tato kima'ai iminiri via iminito kimodobuti'i naiba nei pupuo oubiri .Nei kimi'imai na'i kema'ai wa oubio gorowa nei sivokori imininiro gemanu haropawa .Nei kimi'imai kema'ai na'i oubiha nei nirori odau'i nananu nou au'e bodi'oi kerere ramu kemidio oubi'i nei au'e . ¹⁹ Neio wade naihanaiha kowairi gamo'o kododiai via karowa neido, ina nei nehimia nou kimaduduo wa woko kidodiai oubiri via viha tato uba udo. Mabu noito tounai nou aruina ohuwa mereha ata, noito n'auaibo nou tauorododiai kimaduduo woko kododiai mereri . ²⁰ Mabu neio odauwa uba udo hopunu noudo imo Tana mere via Kewabai dubu Iesu Kereso imini goro'i nouwa, ina nou ataiha odabuairi nana koko kiwai nave'i nei gorowa via ohoda'i, kopoi'o ito nouwa aio'uro modobo tato nei mabuwa opuito i'i . ²¹ Ina nou meahari neio umo oiti tato wa gamo'o nave'i ina umo oiti via araorai moi tana wade diamo'i noito nou ema'ai neido. ²² Nouria'a naihaiha korotomu wadenu tauorododiai neido: "Kaukau karaiwari nohimia gogo'oi nouito, via komoruo bomo'i karaiwairi hopu ito ."