¹ Iakobo, Rohi Bauge me koitave renu ni Rohite Iesu Keriso oti utube hakira abu tonetaia, uve mage veite. Iana magenu! ² Iai bouge hegiri uhura, di ogonanuhea, ia isuke o uhura uiare. ³ Aka dibanara ai gabidadamave vagava gahare makavara aka u gamana visa. ⁴ U gamana eramu a gahara vare meve kisa, eige ai uraveramu riagagoisa beta iaga nunebe ananavahe. ⁵ Eduge ia bena uhuvaka gahare vima, auma Rohi Bauge imigisa, auka Rohi Bauge magevara renu hova mohimohi, auka enae a mohimohi vima. ⁶ Eduge auma gabidadamava imimivisa beta uhuanana nuneva Badivara unuhuna uhuanana daureva imimivima, auka eve daure goiare nagatera. ⁷ Edainehe, koita eramu dibana goisa auka beta iagabe mimivara ni Rohite seni. ⁸ Koita ena vivie iabaramu, uhu abute ya gahava iabara, auka beta magebe mimi vara. ⁹ Eduge goroa egu au me mageve gava vie. ¹⁰ Iagate koitavagu au me avikike kiare gava vie, badivara auka hogeragi ravara idi hanaka mage isu uhura nagate. ¹¹ Vani gadimare hedokatera isu tage mu koriko goigovara. Au idi hanaka magevera dedevara, renu au hairera dauragi ravara. E nagate, iagate koitavara mu dauragi rarava au ioave uhurahe. ¹² Koitabera mage mimivara au anana nune nune dadaga veite dainehe. Au huh hanegare, auka maguri korona mimivara era ogera iabena Rohi Bauge ominuo gahigevene, aukena mage misa. ¹³ Benegu rome, dakamu huhu uhura siriva hakivanu, "Daka, Rohi Bauge raki da tahoganu." badivara Rohi Bauge ra beta koita daure eraki taraganu, autage koita tara geigege veitera. ¹⁴ Eduge, koita kobakobagera iavahu iau uhu ananavera raki tarageima eraki idigei gaise tiare daure mohigevenu. ¹⁵ Ge itake daure eraki varavan, daure e ramu rahogoi ti hogeramu bina oroganu. ¹⁶ Be negu ia tarageima, di ogonanuhea. ¹⁷ Iaga mage au bougera vava senige auki orogima, mage renu mage riagavara. Au bougigera, abaga Mame gei auki orogima. Augera nunebera mati veiterase vadibu veitera, auka beta nune goigovara. ¹⁸ Rohi Bauge mageve uhurahege noki vara ragohanu, edainehe noka iaga aubouge au kine uhurahe no, koita nomu vara ragohanu idi tahaka mage. ¹⁹ Aka dibanara, di ogonanuhea; Eduge koita iau bougigeramu vaian ga ihisa, a negu vaian vime, renu a negu vaina hogoime. ²⁰ Badivara, ata horera beta Rohi Bauge ga riagahe memi mivara. ²¹ E dainehe, daure au bouge renu avanage iaganiva au bouge, vagahu a begene gava ma, ena ai maguri mi orogisa. ²² Eduge, iama ga maguri gahisa, eduge ihihi guva, iavahu iai maguri daure gaha. ²³ Badivara, koita bena ga ihima eduge maguri gahiga veite auka ata be avahu au eraravage galasiva eragare. ²⁴ Eige, auki avahu au eragare oti avahu au eraravage vagua gahanu. ²⁵ Eduge , unuhuna regunaki aena ga mage eragima renu dagedage eragima, beta ihare renu vagua gahare, eduge meva kiare koitava, koita era mage mudago mimivara. ²⁶ Koita bena roma auka aena kamuka, eduge au meine erara veite, eduge au soruke daure, au aena mevera ahakera. ²⁷ Aena riaga renu daure be veite Rohi Bauge renu ni Mame mevera mama veite momonovaia renu gobugobuia ia isuke uhurahe, renu bebe regugeisa mata o uhrahe.