¹ Paulo, apostolo a'a Keriso Iesu aiai,Eloi nu laekora mere. Eloi nu ia'a,a'a aiai Epeso pairi laruai, Keriso Iesu pirimaroka lia a'a uriria. ² Umu lae niai mo airu Eloi ene Mai mo Amua Iesu Keriso ai mere. ³ Ene Eloi mo ene Amua Iesu Keriso nu Mai ene avioiai, U ene avaea nu ima uriria miaka akuoko keina,Kaia pairi mere,Keriso laruai ⁴ Eloi u enei auakanave,u laruai,kae upana everekiei pani mere,ene Ia'a rokoa mo lipi eria rokoa, Eloi u umu nu inamu eneai keiakana. ⁵ Eloi a enei auakanave ou pani mere, ua aranave, u ukua oparai, Iesu Keriso laruai, uku ima lae korava u ima laruai. ⁶ Enei aravei miki nu ima u avioai u vapara nu umu lae laruai. Ou aiai u ene umu vake monou enei eria miki oravaka akunave. ⁷ Iesu Keriso laruai ene u aroa akuru ainave mo ene namea lipi mere ima ainave u umu lae nu mari mari laruai. ⁸ U eria miki akunave ei umu lae ene uriria nu upai lae evera uriria ane mo lae korava ane. ⁹ U vaukia lae korava varomo i'iki kanave eneai uku, u umu lae mere, u ima eai pei mo ua lie voa Keriso laruai. ¹⁰ Lae korava monou mi'ina ane, pei pei uriria ou pani monou, pei uriria miki monou iki Kaia Pairi laruai mo Kae upai. A'a monou nu iva arau Keriso laruai. ¹¹ Keriso laruai ene auakavaka keina u iva'a laruai. Ou pani mere, eni miki la'akanave u lae korava mere, u koana peipei uriria iaki liai enavai. Ima lae koravai u ima laruai. ¹² Eloi u enei auakanave u iva a'a oparai. Ou aiai ei pani miki Keriso laruai, lae korava ima miai ou liana u vapara ima avoiai a'a liai. ¹³ Keriso laruai, nioko, ni voamiki omoro virinave, ni ioka nu omoro ima, ni u mikienave mo ni Avaea Ia'a nu maka mi'inave, avei'i omoro'o. ¹⁴ U enei oka karikiainave enea ima miai ou ima uriria i vapara mo kopai ane. ¹⁵ Ei miki u aiai, na ni pirima'rokoa nu omoro virinave Amua Iesu laruai mo ni umu Eloi nu ia'a a'a uriria aiai, ¹⁶ Na Eloi'ai tanikiu voa eiei diapeou ni aiai mo na noki laruai nioko nilauma'keina. ¹⁷ Na noki limakena ene Amua Iesu Keriso nu Eloi, vapara nu Eloi u lae'evera nu Avaea mo u vaukia peipei nu evera akuakana. ¹⁸ Na noki limakena ni umu nu inamu u parea'liakana, ni ipa liakana u lae korava ua nilaue miki mo u vapara nu mari'mari miai Eloi nu ia'a a'a uriria ane. ¹⁹ Na noki laruai na kurumakena ni ipariakana voa ovara ovara u iva eneai, u pirimarokoa iki u iaki venea ovara nu oparai. ²⁰ Ei iva u monou Eloi u Keriso laruai iaki li'inave ua imua mere laokanave mo u eve miki mekai'i paokanave Kaia pairi. ²¹ Eloi mai u ukua Iesu Keriso upa miki pa'akanave vupu uriria, iva pakara, iva nu iva,marimari mo neo uriria miki nu neo upai. Keriso ua maikaliaka, ei pani mo anemakeia pani. ²² Eloi u peipei uriria Keriso nu ari arau ainave mo Eloi u ukua,ia'a lavi okunave peipei uriria ua uku liai. ²³ Ia'a lavi u Keriso nu kape ou, u ovara evopoa miki ou peipei uriria miki laruai.