¹ Ai ni, ni imunave ni lipi mo namea mere. ² Ou lipi mo namea laruai ni oma rokoe opara e'e uriria laruai ei Kae upai. Ni ou rokoa ipi'pia kavaea nu mai viria lipi nu avaea u iaki li'inave viria lipi ukua i. ³ Enea ei a'a uriria ane rokoane, ene ei avaea lipi nu lae korava oparai kape mo uku nu lae korava na ara'a erea kana. Ene Kae upa nu lae lari'i ukua u, ipi'pia A'a varomo ou oparau. ⁴ Kava Eloi nu marimari umu lae mo umu ovara miki u ene ai'i. ⁵ Ene lipi laruai imuaka keiane, Ua la'akanave Keriso laruai monou iki--ni u ima mere ni ioka minave. ⁶ Eloi u enei la'akanave Keriso ane monou iki, mo Eloi u enei pakanave Keriso Iesu ane monou iki kaia pairi laruai. ⁷ Anema keia aumeia laruai u ipa'akikana eiei eria mari mari ovara u umu lae iki kanave u opara ima ane eneai Keriso Iesu laruai. ⁸ Ni pirimarokoa laruai, ni oma inikave. Ei vake u niai merema aneapea u Eloi inu peiou. ⁹ Ou aiai A'a mo painuinu liei ni iaki mere apea. ¹⁰ Ene uriria Eloi nu iaki A'a u. Eloi ua oupani kariki aminave enea uai enavai; Keriso Iesu laruai. ¹¹ Ou aiai ni lae koravai ni gentil kape ou, ni nilaue voa oure rokoa A'a pea. Kava rokoa A'a u A'a kape laruai ou, eve a kariekie A'a. ¹² Ou pani ni Keriso ai mere amau, anei A,a u Isara mere, A'a momo'ore ou vupu laruai arae-arae oko eriau Eloi ai'i ei Kae upai. ¹³ Eae miki ni Keriso laruai ou pani Eloi ai mere amai rokoe iki uriria noro, Keriso Iesu nu aroa niravaka anenave u arakamu. ¹⁴ U enei airu miaiaka ane a'a u. U pei le'ere monou enave. U kape miki'miki a enei amuru aka keie vara ua vepenave. ¹⁵ Vupu laruai keia'a omoro uriria mo vupu ua'a liai akiaka keia voa uriria U eria enave. U a'a norea mo karikia kana U larua, mo U airu karikia'a kana. ¹⁶ Keriso u airu kariknave lipi rokoe a'a avai dere oroa kape monou ria Eloi ai, Iesu satauro imuenave mane rokoa eria eai. ¹⁷ Iesu u anei pani'i kurunave Na airu amai rokoa iki noroai mo Na airu arakamu rokoa iki noroai. ¹⁸ Iesu laruai ene uriria monou iki oma ikirie Avaea monou laruai, Mai'ai. ¹⁹ 0u aia noro'o Gentiles, noro momoreapa mo anei a'a apea. aikava noroko Eloi nu ia'a a'a mo Eloi nu marea laruai rokoa a'a varomo ou. ²⁰ ni kari'niki'nave apstolo a'a mo peroveta a'a nu aia'a, Keriso Iesu u monou kona nu dore'o. ²¹ U laruai marea u ipi'ipia miki paikaka'keina mo lava'.kana Amua nu ia'a marea opara. ²² Ni'oko kari'niki'nave U laruai Eloi a pokoia pairi avaea laruai.