¹ Ii nio, oroha hi'a e'idio everaiha ma imatomudio. ² Nio oohoito otiidioumo uubihi'ai piopio e'idio, tutuu tutu iraromo, himia kontrol orovaidio, pupuo iraromo, gi'epu eremai, via oroha hi'a e'idio everai ma imatomudioi tuunioha hivioi ma oo'aairi nii rautu. ³ Nio oohoito otiidioumo maamioi atuu everai taana e'idio oroi'ioi ma imatomudioi. Erematuhuti vade imododiai tuti uubi biaka o avaavo naa vade ooraduuti uubi biaka, inai miamia naanai imatomudio uubika, ⁴ ka aa'o maamioi mereera duburai gi'epu imai oroi'ioi ma imatomudioi, ⁵ miahi'a iraromoi rautu, iriio oroi'io keehi tataha, motoi naanai miaito iohiidio uubi, via himia dububaido iroroovidioumo, mabu Iehova painai mamaa naaka. ⁶ Atuu everaika, oriomeree dububai mia tiino maaimoi naanaiha ma imatomudioi. ⁷ Tuunioha miamia ova'ati naanaida nio eksamporo dohoobo ma ereede'aamoi. Nio imatomudioida erehee via oroha hi'aiha ma imatomudioi, ⁸ oromovo'uodio naa kairi mia diamoiha maai, ka nio imodobuaumo uubii hiipo imidai oukaumo mabu nimoido niiro mamaa naa ata ooradueito modobo biaka. ⁹ Uubi naa pauo imova'ati uubi ma imatomudioi, ni ova'atii imioumoi uubii rautu tata oromaavodio kaumo, ¹⁰ nii naanai pioito ivameei biaka, ii mia oroi'ioiha ma obodii, mabu tuunioha naanaida niiro Iehova ne'ei imatomudio naana geema ovai oukaumo. ¹¹ Iehova gi'epu iraromo geemai uubii oroi'ioi ma eveeaumiori pobodii. ¹² Aa'o iraromoiro nimo uumoo imohaika, Iehova paina oo'aa tataha nanaa memihoire via hepu geemai aimo oroi'io memihoi tana nai kaumoiri, ka nuuro kontrol ivaika himia duupii eremaa'ota tidio everaire, memiho keeke tataha e'idio oroi'ioire, via Iehova iraromo naanai manai moiri ihu doo'ou oo'a hivio mabuida, ¹³ nimo via stil ainoromotii kaumo Ieovaro eraara iovai hivio mabui ma oohiairi, Abiai Iehovaire via nimo oroi'ioi imovou merei Iesuire, toovioi rautu ma oobodii doiri. ¹⁴ Iesu oroi'ioi nimori poroomoha, nimo hepu geemai aimo naanaida maneemaheu moiri via nu iraromo hi'a uubi manidodiairi ka mia naana manova'atiu moiri. ¹⁵ Ihu naanai aha ma imatomudioi, uubii ma itomui aa'o naanai ma ova'atiu moiri, himia eraarai ius ma'ai ni idomoitidioiri. Mereataro no goroito ia'aaute.