¹ Pooro, Iehova ova'ati mereeka via Paidubui Iesuro pinapui meree ataka nu vadei ova'oiairi. Mo aipinapuimo via aipinotiodaimo Iehova uubii iraromo pupuoi geema manimovairi via nimo e'idio vatii geemai uubiiro imatomu dioumoi oroi'ioi orohahi'a manimoadueiri, ² oropoi'o tataha oroi'ioi oo'a vatiito odau everai. Iehova, erematuhuti tataha mereiro ihu e'idioumo uubii oobodiumo tatahaida nimo poromesi tauo pinimaa, aa'o oroi'ioi. ³ Ka nuuri aa'o vadei himia hivio mabu hi'ai oohiairi, mooro nuuado nooradueka, nimo oroi'ioida ideeai vouai mereei Iehova vadei modobo. ⁴ Ihunui mo meree hi'ai Taitusiido ni'atika tuunioha hivioi nimo tuiaida pupuo iraromoi aha oo'aaka. Abiai Iehovaire via nimo oroi'ioi imovou mereei Iesuire, niitiro ge'ebadiire via mia iraromoire ita omohaido. ⁵ Aa'o nairi mooro no Kuriiti ado pinemeheai, ipoi'uti tataha naanai oodaida ma ideea via tuunioha sitiioida tanamoto eldaioi eraara maimohairi mooro inemapuitutii everai. ⁶ Tanamoto eldai memiho naa ataado paina ahooi biaka, nu ooboi rautu kaa'uubuo beha, via nu mereei tuunioha tanamotoito oroovidio uubika, ni nonovo uubi biaka. ⁷ Mia biaka Paidubui ova'atiida ohu dohoobo e'idio mereei memiho naa ataado paina ahooi. Nu oroviourio meree biaka, himia pai haito araaho meree biaka, niehu komukomu meree biaka, sipaka obo idio meree biaka, kirikiri eremaati meree biaka via iiho tooto meree biaka. ⁸ Aa'o nairi, nu ge'ebadi hi'aito uubii ma i'opai via ma iovotoi mereeka. Nu mia iraromo mereeka, nu taana e'idio mereeka, nu himia oroi'ioi eremaa'ota tidio mereeka. ⁹ Nu uriio oroi'ioi kokoha ma oohidioi mereeka, ka uubii nuuro aa'o oroi'ioida mia naanai ma imatomudioi mereeka, via uubiiro nu omodobuau-moida ni ma odomoitidioi mereeka. ¹⁰ Doo'ou uriio oroi'io naa vadeito ageinst uubii, orododiai tataha naanai ivadueumo uubi, via erematuhuti uubii hiiro hi'aka. ¹¹ Ni imadohomaiha miahaka. Ni everai aimoida nimo femli aamiiai aimodobua kaumo, erematuhuti naanai imaaduutiu moida nihimia oroi'ioi oromododiai tuti kaumo. ¹² Ni himia hi'a hivo'a meree ataro paroo, '' Krisentiioi erematuhuti uubika, mamaa naa paipaika, via naa pauo tataha ihoiho uubika.'' ¹³ Ihu vadeipii orohaaka. Kaida ni erehee rautu ma imodobuai, ni pupuo iraromo rautu diamoi nuuado aiou kaumo, ¹⁴ tauoi naniamioi odii iraahoi bia oukaumo via ooradue hi'ai iatuaimoi uubiido ororovidioi bia oukaumo. ¹⁵ Memiho keeke tataha uubiido tuunioha naanai mia hi'ahaka. Naana agoromovohau dioumoi uubira via Paidubuido iraromo tataha uubii ne'eida mia ata tatahaka. Ni tiinoire via mia memihoo ioibotatidioi disteebu tauo porovaimo. ¹⁶ Ni Iehova uumo uubiito araahou moika, inai via ni idodiai naanaida ia'aaida Iehova ematuhuti dohooboka. Ni ha'imaka via ororoovaito pauoka via niiro mia naana ma ova'atiu moito fiiti biaka.