¹ Meree keeke, ekaresia oroi'ioida abiara maamurai vadei ma iroroovidioi, mabu ododiai hi'ai nuuka. ² '' Abiara maamurai ma imaabee mamai'' [poromesi rautui epuu bubui nuuka], ³ mabu nioido miaha ma oo'aairi ka nio hepu geemaida tutuu oroi'ioi oukaumo.'' ⁴ Abiamio, nio mereei uduo ma'aai miori idodiai naa biaka. Ii ekaresia oroi'ioida itomuire via imatomudioi reito ma ivioi. ⁵ Uubi naa pauo aai uubio, duupiito pai iahoumo uubii naa pauoi imova'ati niido io'io dohoobo ma eremahibidioi via tamai kiipu rautu via kaukaui orohaahi'ai rautu ma imova'atii. Niiro ova'atiiri aimo everai aha ma imova'atii Iesuri ma ova'atiumoi everai. ⁶ Aa'o paito iahoo uubii mia ma eremahibidiou moiri niiro ia'aai hari ova'ati naa biaka. Ii nio Iesu ne'ei naa pauo uubika nuuri Iehova nioi ododiai kaumoiri kaukau hi'ai rautu ma ova'atii. ⁷ Iesu nioi ododiai kaumoiri tuunioha kaukaaui rautuha ma ova'atii, uubiiri ova'atii biaka, ⁸ mabu nimo uumooka meree kaa'uiro mia naa ata avova'atia, nuu Paidubui ne'eida gi'epu orovaabai nai eidai ouka, poo'a nuu naa pauo mereera o naa pauo tataha mereera. ⁹ Duupiito pai iahoo uubio, nio naa pauoi imova'atiumo uubii atuu everaiha ma ia'aai. Nii too idodiai naa biaka. Nio uumooka, niire via nioire kopiito pai ahooumo mereei Iehova pai eraarai oo'aa vatiida e'idioka. Nuu ne'eida meree kaa'u haido otii oroi'ioi bia oo'aaka. ¹⁰ Ianaai ihu everaika, Paidubui hapuoida kooko ma ii'i via nuu erehei rautu ma e'idioi. ¹¹ Iehova ne'eida hiavoiri iva'oia diodioumo naanaiha ma oroviourioi, Satani erematuhuti naanaida ma oromomurutiu moiri. ¹² Nimo uubi hi'a rautu araiaiti biaka inai Iehova pai eraarai oo'aa vatiida memiho erematuhuti uriioi rautu manaraiau moiri. Doo'ou oo'a du'omui hivio mabuida. ¹³ Nuuri aa'o hiavo naanaiha ma oroviourioi, kaida erematuhuti hivio eidai vouaida, nio nuuito oromomurutii oukaumo, ka tuunioha naanai oropoi'oi vooudui didimoida nio stil himia hepu hii'oida otiidioi oukaumo. ¹⁴ Aa'o nairi kookoha ma otiidioi, orohaai beretai everai ma orovoo'oi, miahi'ai goomoi oromomurudio nai everai ma orovoo'oi, ¹⁵ ka tamakai everai otoida ia'i behaito oromotii naanai ma oroviourioi, oroi'ioi vadei ovodairi. ¹⁶ Tuunioha oroohoi voudui naanairi oromomuruti nai everai, nio himia pupuo iraromoi ma oobai, memiho dubui ipeduoi vouai naa mubai ma imehe'eu moiri. ¹⁷ Ka hatii everai oroi'ioi ma araateuti via uriioi hiavo kai'ai ma iobai, aa'o nai Aba Iehova vadeika. ¹⁸ Ihu naanai tuunioha iruudemeai haito ma aai, Iehovaro ma ovaabairi. Tuunioha hia'eiri ma iruudemei, uriioi nio modoboi. Aa'o nairi uumo haamutu ma e'idioumoi via ha'ima ii'iumo aute. Iehova uubiiri tuunioha hivioi ma iruudemei. ¹⁹ Via moori ma iruudemei, ka Iehovaro mo ooradue vadeipi omohai ouka mo maatai aaheheai nouaida. Manomudemei ka ooradue tataha goroida oo'a oroi'ioi too tataha manovadueiri. ²⁰ Oroi'ioi vadei ovadueiri mo ipituia meree e'idioida seenii rautu ne'idioka. Ma iruudemei, mooro koriha edeeairi too tataha manooradueiri, mo iraromo everaito. ²¹ Taitikas, gi'epu nianaamuika via Paidubui ova'atiida pupuo iraromo mereeka. Nuuro mo tuunioha naanai ova'ati everai imoaduutii ouka, nio uumoo mai'iu moiri. ²² Mooro nuu nioido aa'o nairi pinotiodai nio uumoo ma oo'airi nimo na'aiboira, via nuuro nio kaukaui pupuo ma ivai. ²³ Abiai Iehovaire via merei Iesuirei ne'eida miaire, via pupuo gi'epu iraromoire, nio ekarisia nianaamuido. ²⁴ Nimo Paidubui Iesuido gi'epu iraromoi oo'aairi, Abiai Iehova ne'eida imaabeeire via imomurai tataha gi'epu iraromoire nio ekarisia nianaamuido oo'ai ouka.