¹ Pono vega tuamagi tagoa ia gia vevai taua e roa taulimalimae giai pia vevega aoma, karoa pia kamonagia, pia vekalameau kala namae maparae aoai, ² tauta ragai pono vega rakava e ragai pono veiriwamagi vevagi, e pono vevega maino, taulimalima maparae giai vevega aoma magulina pono vega vegitavegita. ³ Kwalana toolaginai ita totaura ati tuamagira e ati gera vekamonagi. Vevega verere mamilagia ririwae e tuamagi ririwae irauirauana evai learato e erekotalirato. Ita rakava e veaolea aoai tamaguligoto. Ita tuamagira wo ati nanama e tara veaorakavagi. ⁴ Aonai na Palau ita gera vevega maguli velena gena nama e ulamagi taulimalima pakunai evega matagaiato, ⁵ na ati ita rorirori vekwalavina takalato gauai, na ia gena venuagi vitina ita evai magulirato, wala valiu vegarikuna vetaina aonana, e Veaga Palauna gena vevega valiu aonana, ia ita atarai Palauna marinagarinagana epoporiugato ita atarai ita gera vele Iesu Keriso aonana, gauai gena maino aonana rorirori tarawailato, ita ia natunai tama miato, maguli vanagi vanagi veaoleana tauna taunana aonai. E kila kila ia mavega tauna taunana vegata. Au aririwana pono rua gaugau ekila kila ataai, ne raia Palau gevega tauna taunana taua ia gia kala toga inagulu namae aoai pia kala gitakau gitakau. E gau ia nama e magia inagulu tau maparae gia. Na kawakawa verolia e tupuna e gatana wala agi ripana e aonekana, vekwalavi kawa, roa vega rakavae kilae pita kolea kwalana ia ati akwae e ati gania. Evegolilogologona tauna ragai pono kala koua, kila vevega ripa vega kwauna e roula muliai, oripana e taulimalima vetaia ia raupara rorirorina erua muligana e egalamana, totauna evevega rakavana. ¹² Au Artemas e Tychicus pana tua goi geumai laganinai, Nicopolis ai pono wogoma veleke au geukai, kwalana au paririwa gaukala laganinai au wonai pana tautago. ¹³ Irauna gautana eleaena gauai, gaua maparae pua tiliga pua kalae ne roa gita tagona tauna Zenas e Apollos pua tua. ¹⁴ Na ita gera taulimalima pia ripa vegata ia totaua gia kala toga inagulu namae aoai ririwa reketa pia vega gugulua, ne ati pia lealea. ¹⁵ Raia au goti, maparami ita verawali. Raia Palau geulamaigana taua kamonagi aonai ita maverawali. Palau mainona gomi maparami geimai pene mia.