¹ Na goina, rakagau okilaigana gaua vevega ripa kalae gauae ge gelegelena. ² Gulu kune marua pono vega ripae pia maguli gitakau, pia venuagi rage, tuamagia pia maeka, kamonaigai, ulamaigai, e maki vigiragei. ³ Gelegelenai gulu kune garea, pono vega ripae pia venuagi rage gia kolema aoai, ati veroli opakauai, o wine niuna ragaina pene ligoligoa, na vevega ripa taua namaai pia mia. ⁴ erauparai gulu valiu garea pia vega ripae garawae e natua pia ulamagia, ⁵ tuamagia pia maeka,pia veaga, numa gitatagoa garea namae pia mia, e garawae karoa pia kamonagia, ne Palau gena kila ragai pia vegarevegareiga, na pia nuagiraega. ⁶ Gelegele naimo gulu valiu marua maparae pono vega tiligae, tuamagi namaai pia veinagulagi. ⁷ Eraupara maparae aoai totaumu pono vevega mata gai, e inagulu namae taulimalima nai pono vevega gelegele. Gemu vevega ripai, tauna tauna pono vevega gitaiga, e venuagi rage, ⁸ e maki vali rorirorina ati pia munemuneiga, na pene tautana pene gaomu ia nuana pene rage kwalana ati gena kila gaua rakavae ita gerai. ⁹ Vetunagi taua pua vegaripae ia gegita tagoana taua karoa pia kamonagia gaua maparae aoai, e pia vega vererea e maki ragina pia vigivigi, ¹⁰ e ia giai ragaina pia lema, na kamonagi namana maparana pene vega matagaia gaua maparae aoai gavuna pene mauamaia. Vevega maguli velekouna kilana vevegaripagina gauna aonai. ¹¹ Velekou gena vetuana, vevega maguli emaua maiana gauna, taulimalima maparae giai warau pe kwara. ¹² Ita evega riparana pita vevegawai Palau aikina kalae aoai, e maki tanopara ririwae aoai, ita patara maguli vaigauka aonai, e maki rorirori Palaura kavanai, elaganina aonai, ¹³ Vevega maguli Palauna, Iesu Keriso gena laukule mave wa vewaana roe tave aloigana. ¹⁴ Iesu geregana evevenito ita pene vai ravara karoverave kalae aoana, e maki pene kala veagara ia geregana gena, e maki taulimalima iwavagia geve aoleana iagena inagulu namae kalakalai. ¹⁵ Egau pono kilagia, e maki taulimlima pono vega tiligae pia kalae, e maki matiaumuna pono vega roriroria. Tautana ragaina pene gita keikeimu.