¹ Paul, Palau gena vetunagi tauna e Iesu Keriso gena vevega ripa tauna, gena kamonagi Palau gena virigivirigi taulimalimae e vega taunatauna aonekana egapiraegana, ² maguli vanagivanagi veaoleana Palau ati eveopana Palaunana ekilagi gauato totonai. ³ Wo gorana taunataunanai vevega maguli Palauna gena kila wopata aonana evega matagaiato gauai mave raramanina au etukuto ekila ama uamaiato ⁴ Titus, ia venatu taunatauna ita gera kamonagi verapekau aonai. Vetua e maino emarigona Palau ita tamara e Iesu Keriso ita gera vevega maguli tauna giana. ⁵ Egaua pakuai au goi Crete ai araukwanimuto pe gau rogotina gere gugulu gaua poro kala gelegelea gia rupu velea poro vega tiaua e auna goi avaikilamuto gelegelenai. ⁶ Rupu velena ta ragaina pene galama, garawana kwaunamo, natuna maveraramania, kepi aoai ragaina pia maguli. ⁷ Vegita tago tauna ragaina pene galama kwalana ia Palau gena vevai tauna. Ia ragaina pene veveagoloka, ragaina pene paru velekeveleke, ragaina pene niuniu, ragaina pene vevagivevagi e moni ragaina pene ulamaiga ⁸ Na ia pene vevairage e pene vevaitoga e pene vegata namanama. Ia pene tuamagi aoneka, pene rorirori, pene vevega veaga e pene vevega aoma. ⁹ Ia vevega taunatauna kilae ge vega ripato gauna pene gapi kikilaiga, ne ia reketa pene vega tiligae e pene e pene vega rorirori gena vevega ripa namana aonai. ¹⁰ Kwalana taulimalima wogovagi ati geve kamonagina, kilakila ati gania ge kilagiana taua, veopa taua na iwavagina woupe peritome taua. ¹¹ Ia pia vega aiki. Ia kaparua maparae pege vega parua kwalana ia gia vevega ripa aonana nuarage iwavagi rinagae ge rawaliana, iana ati pegere rawalia gaua. ¹² Ia gia vevega ripa tauna ta ekilato, "Cretan opa vanagivanagi taua, rakava ao ginigini, lepeti ganigani pae taua". ¹³ E kilakila taunataunana. Gauai rorirori kilae e kalae aoai pono vaikila gaukae, ne ia gia kamonagi pia kamu. ¹⁴ Jew taua gia vitona ati gere kamonagia pa taulimalima gia roana rorirori aonana ge laka gerevagito. ¹⁵ Raia ia vealeva, gaua maparae maki vealeva. Na raia ia ati rorirori e ati ge vega taunataunana, gauata ati vealeva, na ia gia tuamagi e ia gia mamilagi warauna gerakavato. ¹⁶ Ia ge kila matagaina ia ripae Palau, na gia kalagokalagona ia ge opa taogana. Ia geve ao rakava vagina e karo ati geve kamonagina e inagulu namana ta pia kala ia ati gelegele.