¹ Evanamona au apua tharana Ananias, garawana Sapphira geria alima gevoi agiao, ² alima voina ia gerogo waiao (ia garawana maina ripana),avaamo eveamai agiao veala veni auri gageri reparai emi ole aliao. ³ Namu Petero neiwao,'' Ananias,raagauna Satani na goi thaomu peva vonua pe veaa palauna po wapa alima voina monina avaa porogo waia? ⁴ Ro voi agia thaonai gaana nori goi pa,e povoi agia mulinai ia nori goi gemu iavu thaonai pa? Eari uamagi apunai goi thomuai eveaina pouamagia? Goi na nori aunilimalima po wapara, namu Palau.'' ⁵ Ananias ethori eamonagirao mulinai eoalio thagana thagana kapi kapina egapiao,geamonagio auri maparari geve vakalio. ⁶ Au valivu vira vira geve amaio gethouao,gevua raiao geve kuliao. ⁷ Ora oioi gegavu vagio mulirai,Ananias garawana Sapphira emi thoa oao,nori ripana raaga ewalao.Petero na erenagiao,'' Ono vailaku alima pogo voi agia ari kamuna na.'' Sapphira neiwao,aunaauna,voina kamu vagi.'' ⁹ Thaonai Petero na ia evailao,'' Eari uamagi apunai mui pogo thori kou Palau palauna pigo ala ovoa? Ono iatha garawamu pege vekuli auri gageri oiarana avagaamai, goi ilana ige vua raimu.'' ¹⁰ Ia noai gagovana Petero gagena repanai eo alio gena thagila kapikapina egapiao. Au valivu vira vira gemi thoa oao thaonai ia waregana gemi rawaliao, gevuaraiao garawana laganai mageve kuliao. ¹¹ Rupu aunilimalima ri maparari kalina egapi raavarao e geamonagio auria mai. ¹² Vailia irau irau e olema vaairi irau irau gewalao aunilimalima thaorai veala veni auri elerana geveamai wai.Ila maparari Solomona gena ialiai geve koukouo. ¹³ Namu aunilimalima vairi thaori noai iligari ila elerai pige thoa avi;namu ila genuarage agirao aunilimalima na. ¹⁴ Aunilimalima vogo vagi ekalesia maulinai velegaua thaonai gethoa oawai, maluane e vavine vogovagi, ¹⁵ vi vi auria mai thara parai gevua rai rawai, mao mao gaurai geva maorawai o alu au gaurai, pe Petero eveamai wai thaonai ia thaupa thaupana ila thaarai eo auwai ilageria viina genamawai. ¹⁶ Jerusalema epi epina vanuari aunilimalima ria mai vogo vagi mageve amaio vi vi e temoni raraavarana gemauli agirawai auri, ila maparari veva nama gerawalio. ¹⁷ Thaonai rupu velena kamuna elaaio, magena olea auria ila(Sadducees) eolema geiathao vemaauna gevonuo ¹⁸ Iesu gena veala veni auri gegapirao, Tipura numai geve ole oarao. ¹⁹ Lewana pogi thaonai velegaua gena aneru na tipura numa avagaamari geala paarao geva thoa rairao,gevaila iwa rao, ²⁰ ''Thoa rupu thaonai pigo verua aunilimalima maparari emauli thori thorina pigo vara veniri.'' ²¹ Ethori geamonagiao laganinai rupuai geve thoa oao pogipogi mo vevaripa e vali namana geve varipa agiawai.Namu rupu velena kamuna eveamaio magena olea auria ila,Israela vele vele ria ila,unagi geuuao tipura numai veala veni auri pige veamai agiri. ²² Namu tipura numa veia maa auri gethao tipura numai geve lavu ulewaio gemi vara varao, ²³ ''Tipura numa avagaamari ila loka gavu,veia maa auri thoa oa thoa oai geruao,namu avagaama paga ala paari thaonai ila noai au gau thaonai.'' ²⁴ Rupu veiamaana auna kamuna e rupu velena kamuna ethori geamonagiao thaonai ila repa vi vi kamu vagi gerawaliao geuamagio e raagau maene wala. ²⁵ Thaonai au apuna eveamaio evailarao,'' Waunilimalima tipura numai muina gove oleri auri pe rupu thaonai geruao aunilimalima geva ripa rana.'' ²⁶ Rupu veia maana auna kamuna e tipura veia maa auna apua ila gethao geve vai lavu ulerao,nori vevagiai repana gekalio orina ila gevaurana. ²⁷ Geve amai agirao rova veleri(council) auri vilarai gemi vaalu alirao.Rupu vele kamuna na ila evaila rao, ²⁸ neiwao,'' Thaina mui evanamona gavaila auna auna muini etharai mui pigono vevaripa,namu mui noai goegathagini Jerusalema maparana pelova pe iaiana eau lalana thai thaamaiai orina eo auni.'' ²⁹ Namu Petero e veala veni aurana ila gevaila iwarao,''Thaina Palau piga vagelea,namu nori aunilimalima. ³⁰ Ia amari geria Palau na Iesu evalaaia auna muina govagia gau upu unai gova gigoa ewarega. ³¹ Palau na ia egapi laaia ia imana ripana gena avanai eva aluao ia pene vele e veva mauli auna,Israela pene vaai waia e galama pene ilagi wairia. ³² Egau thai maa maina giathao e veaa palauna na mai eiathao,Palau geva geleani auri pene veniri.'' ³³ Eolea aurana ethori geamonagiao thaonai ila thori geparu gaua vagio e geririwao eveala veveni auri pige vagi waregari. ³⁴ Namu Parisea auna apua tharana Gamaliel,ia rova eve varipa agiawai ia aunilimalima na matha lagia wai,erua laaio veala veni (apostles) auri evaila rao gau kerunai igo vealu kirikiri. ³⁵ Thaonai gena aunilimalima evaila rao,'' Israela aumui,uamagi pogo ala gauna eaunilimalima elerai igo ia nama namatha. ³⁶ Garori pege vanagi thaonai Theudas erua laaio eveilagio ia aunilimalima apua,e aunilimalima maparari inavu vaivai ia gena na gethao.Ia gevagi waregao,e ia geva gelea wai auri maparari geule lovo lovo noai ganiri. ³⁷ Apua Judas Galileia auna,tentiti garo anai aunilimalima vairi elolo gerevagi rao ia mulinai gethoao.Ia maina elewa lewa,e mulinai gethoa wai auri ge ule lovo lovo. ³⁸ Evanamona thauna mui availamuini,eaunilimalima elerana igo gerevagi igo kali waniri,pene euamagi o ulavunu aunilimalima gena ia ikanai peene thao. ³⁹ Namu pene Palau gena muina pigono lovo ripatha;orina ala verauleai muina Palau goveali veniani.'' Pe ila thaori geo alio. ⁴⁰ Iesu gena veala veni(apostles) auri gegogo oarao wari iavuri geva vuarao e gevailarao Iesu tharana mapigene ilagi waia,mlinai geva thoa rao. ⁴¹ Ealu kou gekali waniao maverele rana repana ethara pakunai vi vi gerawalio. ⁴² Mulina gena avanai,rupu thaonai e numai gethoa oawai,geve varipa wai e vali namana gevara vara agiwai gauna Iesu ia Keriso.