¹ Vewala ava, thai gaririwani igo ripa, Palau gena veuga peve veni agia Macedonia rupu ri elerai. ² Thoru thoru e Wapu thoa iaaliri koukouna thaonai, geria verelena e geria lealea thaorana rinaa kamu vagi ethoa avio. ³ Thau maakuna aiathao geve veni gauavagio, emai geveveni vanagio, maauri geria ririwai ⁴ ilana thai geririwa maio pere matharapara nai Palau gena veaa auri elerai eulavunu piga veware veveniagia. ⁵ Thai na gauamagiao veaina nee walao, namu ila Velegaua elenai geve veni kuneo e thai elemai ai Palau gena ririwai. ⁶ pe thaina Titus gavailao, iana eulavunu rauvagi pe varepatha,e veuga ulavununa pene vagugulua. ⁷ Namu mui gau mapararai go ala vaa namani-veva auna aunai, thoriai, olema irauirau thaorai, e gemi ulamagi thai elemai ai. Emai evuga ulavunu na thaonai mui mapigo ulavunu. ⁸ Thauna ethori ailagiani e nori rova. Namu, ethori ailagiani pe mui gemi ulamagi raa veaina ma aunilimalima vairi elerai. ⁹ Mui ripamui ia gera Velegau Iesu Keriso gena veuga. Lewana ia rinaa velena, mui pakumuiai ia emi lealeao, pe ia gena lealea thaorana mui pigo verinaa. ¹⁰ Eolemai thuna mui gavuina anavenimui pe mui pene vaavamui. Rigolo apuna pevanagi, muina gauwauna nori ipo goulavunu agiao, namu mui goririwao goulavunu agiao. ¹¹ Evanamona igo vagavu vagia. Wa ririwamagi e iliga thaona goulavunu agiao muina mai ikanai pigo veamai agia. ¹² Pene mui veaina eala pigo ala agia ia nama e pene vegapirage gauna. Ia repana wara auapua elenai gau evamiao, namu nori noai gau auna. ¹³ Eulavunu wara nori rova pe mavairi kapuri pige gapiri thaonai mui pigo vi vi. Namu,pigo nama gelegele. ¹⁴ Eoranai mui vogo thaonai geria ririwa pigo vagelea. Ila maina veaina mo mui gemi ririwa mapige vagelea, pe pigo vegele gele. ¹⁵ Evealo auo: ''Gau vogo evaia auna gauwaua nee kaliwania,e maune etoua auna nee veaolea.'' ¹⁶ Palau pevaragea, repana Titus thaonai wavenaka auamagiao evamagaiao mui gemi. ¹⁷ Ia nori thai gemai nogi nogimo egapi rageao, namu ia mai eririwa gauavagiao. Ia maauna gena ririwai mui elemuiai eveamaio. ¹⁸ Ia wala avari apua paga uua ia goi enai rupu mapararai Keriso valina namana ilagi ilaginai geva rage gaua vagiani. ¹⁹ Nori wa ia mo, ia rupuna egapi laaiao thairia piga thoa veuga ulavununa piga alatha. Evemathalagi wara Palau geregana gena e thai gemai ririwa magi piga veva ava. ²⁰ Aunilimalima apuana thai pene munemune agimai noai gavi agiani repana eulavunu era uuma geria. ²¹ Thaina veva vele ulavununa nakana ga gauani,nori Palaumo vilanai, namu aunilimalima mai vilarai. ²² Thaina ma wala ava mai maga uuani ila ria.Tharapara iavogo thaorai ga alaovoao thaonai ulavunu iavogo thaorai ia ikavagina. Ia evana thaona peolealia repana gena uamagi veraramani mui elemuiai. ²³ Titus, ia thau auavaku e ulavunu auna mui gemi. Namu ia wala avari, ila rupuna peuuria. Ila keriso gena. ²⁴ Pe, gemi ulamagi pigo vamagaia elerai, e gave vaoloa agimuini ganina rupu pigo varipari.