¹ Ma maana vega, iana aamonagiao, ma rana aiao,e anapa aunagiao, mauli thorina. ² Veainamo mauli eve vamagaio, iana aiathao, ilagi lovolovona auri ia. Thaina gave varipa agiani, mui elemuiai mauli vanagi vanagi, maulina amana elenai, ia geva ripathao. ³ Thaina gaiathao e gaamonagiao,maina gailagi raiani mui elemuiai,pe mui e thai pe alu ao koukou.Ia gera alu ao wara,amana e nauna Iesu Keriso ila. ⁴ Veainamo mui gaalo venimuini gauri pigo gapiri pe mui gemi verele pene gugulu. ⁵ Evali thaina ia elena na gamonagiao, mui elemuiai gailagi raiani:Palau ia mathaa,e ia thaonai noai muuna nee mia o. ⁶ Pene ia peilaiwa,ia Palau ria aaluaonia,thaonai muunai athoani,ia awapani e aunaauna noai amauli agiani. ⁷ Namu pene ia mathaai athoani,repana ia mathaai,ia maauavari ave auavani koukouai,Iesu Keriso ia nauna lalana na ia gera galama thaorana evuligirana. ⁸ Pene ia peilaiwa ia noai gera galama,ia maauri ave varaavani,e aunaauna ia elerai noai gau. ⁹ Namu pene ia gera galama pe ilagi rairi,Palau ia amonagi iwavagi ia gera galama pene ilagiwairi,e nori ala thakwa thakwa thaorana pene thalevari. ¹⁰ Pene ia peila iwa ia noai agalamao, ia Palau ailagiani ia wapa Palauna,e ia gena thori mai ia thaorai noai gau.