1
Ekima kei , aneai ia'a maikai a'au , kauekiai , iaki ima uriria aiai kariki kariki liai .
2
A'a lipi e'ei apea , avania liai apea pirima rokoai , ou liaka akuruli rokoai , oparai mo a'a uriria au iki'i kavai .
3
Uku pinai ene uriria lae korava eria mo omoro aviriapea . Ene kapea lipi enave iaki aivara oka miki ima na auaiaka . Ene avaea upu rokoai rokoe mo lariai navako.
4
Ai imanu marimari'i Eloi ene ioka mo u umu lae ene aiai ikilia voana .
5
Ene opara ima nu iaki merea pea , ai u paioka mere ia'akave . Kinia no'ore mo akuru liai avaea ia'au .
6
U Eloia marimari miki ane amua Iesu ene ioka au mere enei au .
7
Ai ou kinia no'ore ikii kave u ima mere , ene anana mia ipia opai'i rokoa anu paioka ane .
8
Ei omoro u ia'a miki . Mo na lae noroa ei pei pei miai , uku pirima rokoa Eloi au ai a'a oro ia'a miki'i omu nane'e kaupuakinavai iaki ima liai .
9
Ai laiki , lipi au mere mo laekorava lipiiapa karikiai , a'anu anea pa kuruai voa pa akinavai vupu mekai uku oro ima eria mo akuruapea .
10
Laiki , lae korava imai karikiapea a'au mere ei ei omoro viri .
11
Ei lae koravai , a'a anana kapea mere u'u rikia namea lima kia, u nane vaukia .
12
Naia umu nu va'ara o evera miki a'a niau oiviria ane , ema miki ane naiau Nicoplis , uku na oura lae kae'eai ena vaka .
13
Maika miki , omu akii Zenas vupu maika vake mo Apollos , oro ane e'e viri oroa vupu auokua moiai .
14
Ai ene a'a , ipaliai nomu nane kaupu aki na kupai miki , iaki ima laruai everee opara ima lima kiai , mo mikipe ai navai apea .
15
Nai au rokoa a'auriria niau kopai liaka , kopai eka niau umu lia au pirima rokoa laruai . Ima nomu uriria au .