¹ v 1 Ai,omoro veneai kuru lae arau miki ane,niki keia ananai pirima rokoai. ² A'a vuruka, a'a lae everai elaea roko,omoro nu kiri mo pirima rokoa laruai. ³ Aioro vuruka omoro ima vake ipeki lae everai,avieai,ni lae miki ane,pa avava lia rokoma keiai iaki aivarai,ai voa ima a'a ipa eki. ⁴ Ei opara rokoai,ni aero no'ore varomo ou ipekia.Omu vakero mo ukuane umu ou eka'a. V 5 Ou opara lae everai,anana miki,ima miki marea laruane,u oura mere vake au arau miki.Eloi nu omoro ama kaeaka'apea. ⁶ Ou oparai,a'a no'ore venea omoro eki lae korava ima e'eai. ⁷ Ou laruai ni nane'e iki'ili avaea avaea opara imanu iaki'i. ⁸ Upanu omoro miki vake pa uama keiai.Uama keia a'a ni koana,voa e'e kuruane, ni makiri li. ⁹ Aivara iki ipaeki oro mai lia a'a avioiai lare uriria , airu ekuma keiai oro a'ane voa aki navai apea . ¹⁰ Oro au avapu apa liai ai avaea iki'i ka , imane , pirima rokoane omu rokoa laruai , Eloi nu ipa okia a'a liaka'a omu rokoai . ¹¹ A'a uriria nu upai Eloi nu eiei ou ane a'a iekavai . ¹² U enei ipakia , Eloi pe opra mo paniva'au rokoa lariliai oueiai , ni nane laikorava ima mi ei aumeiai . ¹³ Eai ene inamu pakui ane ka'a pei miai ene rokoa ia'a inavaka'a Eloi nu evao evao ima , Eloi mo Ioka Iesu ane . ¹⁴ Amua Iesu u enei aiai imue enei iakavai namea mau mau mere enei akuru aie u nane a'a e'e oparai umu miki'i u iaki liai. ¹⁵ Ei aruku voa kuru , a'a liaka'a voa eki , mo iva voa eki a'amo lae korava lipi apa mini mokiai .