¹ Paulo Eloi nu iaki a'a mo u aivara Iesu au,mo pirima rokoai Eloi ia auekave,a'a lae everai mo mi'i. ² Lae arae arae miki ane eiei eria rokoa miai Eloi au,u ouae ama akava ka'a pea,miki e'e keia ou pani a'a na anea paku mere. ³ Ai pani ima miki moe,u omoro iki'i kave omoro ivana nai miki i'ie ei iaki Ioka Iesu eiai. ⁴ Titus uau,ene ukua miki,miki enei ane pirima rokoa monou iki'i rokoa a'a.Ima mo airu Eloi au mere mo Ioka Iesu ene mai. ⁵ Ei iaki eiai na ave ni'ie Crete pairi laruai,ou voanu miki ni a'a ananai aiemi ikiriape keia iaki varomo imai anana kavai,a'a iva eku omu lavi maioro ane pairi ovarai naia nikie oparai. ⁶ Lavi nu maie mu'u ane apa rokoai,ae'e oko monou mia roko,pirima rokoai ukua elaea ena,lipi omoro mo lipi liane omoro anana eki. Ima miki lavi nu mai oro Eloi nu marea maikaria iki,rokoa akurui roko.U lae korava imai rokoai,lae lari iakari,ere lipi mo pei avaniai nake a'a opara pa rokoai. ⁸ Ou eiai,u a'a maika liai rokoa kopai.U miki u omaro liai,anana liai,Eloi ane,mo u nane'e maika liai. ⁹ Ai u a'a kia keiai kani'i ipokie omoro nu miki,uku ou vake u a'a ima ipa ekia ka'a u lari lia a'a. ¹⁰ A'a aira miki ou rokoa,oro lipi'i miki eria omoro kuruai mo a'a uaekavai,mo kape ei rokoa a'ana oroa lima keia. ¹¹ Ai u imai ave'eia.Uku oro makiri opara lima keia marea a'a uriria laruai ei Ipokia liai apea. ¹² Oai omu aivara a'a moa kurue,avava oro ai euae pairi,oro eapa pairi mo oro avaea upu. ¹³ Ei voa u miki ou eiai,karieki iaki imai,uku oro kiri'i inava ka'a pirima rokoai. ¹⁴ Oro mo ama oia ka'a pea ou lae korava lipi'i ou mikiau mere laikie iki nu oparai. ¹⁵ Pei uriria u akuru,akuru lia a'a uriria ai.Ai ou lipi a'a uriria mo Eloi nu voa miki eape a'a oro ou akuru eria,ai omu lae koravai lipia keia. Oro Eloi ipa lia lae korava liaka'a oparai.Ai oro lae korava lipiane mo oro avioia oko eria mo ipiapea ima voa nu iaki lia.