¹ Melkesadek avo da Jerusalem embo ta king eto Maha Otofu irarebe ta amita pure embo. Avo Abram haf aja, iji tapa isoro eto embo king teke reketo vuvutofoi deki ai hambuto ivo ari jokaja. ² Amita eto Abram mi haja vaja amita avo ingene ufo eto eni ufo jokaja. Melkesadek ta javo amita mine re engato ra, " King vasiri akarite " eto javo eni avo da Salem ta king eora, amita mine re engato ra, king jo jamo -jamote. ³ Amita maha aha eto afija, jape mihae, amita ingari iji mihae eto abure iji mihae. Mihireri amita amo Maha Otofu ta Meni Otofu amita mihireri avo mihaja eto Maha Otofu ta pure embo nanofo. ⁴ Ningota nango kiova, amita javo avo ihrare betara. Ufifi nangota Abram ami isoro eto donda umbuto karekaraja, ingene ufote - ufote isoro ai ufaja avo. ⁵ Livai ta meni undi Maha Otofu ta pure embo ara ami ke engato ara, pure embo meni eni avo ari tapa avo ingene ufote - ufote karekati ora. Enena ohrembati ora, ene na avo Abram ta meni undi eto ene nata nameni. ⁶ Melkesadek avo Livai hena eto vurae ra. Rate ami donda ufaja amo ingene ufote - ufote eto ufo avo Abram mi hito avo ei amita pomis avo be aja. ⁷ Kembera, avo eto embo ami blesin jokaja avo embo pemi ra. Embo amita blesin humbati uja, avo amita hemba ai meheti uja. ⁸ Embo pamone avo ambure ta hemba ai mehere ami ingene ufote - ufote humbu ora rate enana kora, enana avo iji nanofo meheti ora. ⁹ Ningote nango ke engato ati ora, embo Livai ami donda ingene ufote - ufote amita ufo avo Melkesadek eto Abram ta hemba ai. ¹⁰ Amita be amo, Livai avo ufifi tofota amita ando ai mihija, iji Melkesadek ami Abram hafaja amikota. ¹¹ Israel embo pamone ami lo avo humbati ora, avo lo ami ke engato ija, enana avo Maha Otofu ta pure ara ue aja. Rate Maha Otofu ta pure eora enana Livai ami, aro embo pamone akari huba era, avora, be do eto Maha Otofu ami pure embo eni ambo ai vureti oi ija, amo Melkesadek ite, eto Aron inono mane. ¹² Avo eto maha ta pure embo ta iji heka ari avo jandirikau, avo ra, lo ka tapa ai jandirikatuja. ¹³ Ke emo donda avunu ta ke avo ei,' Ke evi embo eni Maha Otofu ta pure olta ai ae mehera amita ke ra. ¹⁴ Nimo, namo kora, nangota pemi avo Judea hena eto vuviaja Moses ami enana ta ke eni do aera, Maha Otofu ta pure ara ue. ¹⁵ Donda avunu avo ke era, avo ofaha ra, pure embo eni ami Melkesadek ite eto era kito. ¹⁶ Evi enda ta lo hamo ai mihie pure embo ora avo mane rate mihireri nanofo amita ivo hamo ai vuvihaja. ¹⁷ Rate ke amita ivo," Nimo avo Maha Otofu ta pure embo Melkesadek avo mihija angato, meheri nanofo meheitoa." ¹⁸ Avo eto lo iji mahate hieri avo angere ai hieri mihija, do eto, lo evi ivo mihae ra eto nango mane houdate atiuja. ¹⁹ Lo ami, donda emi do ae akari ae ra. Avo eto, ami deki pe eni afere karaja, avo akari be eto lo senikaraja. eto deki ei nango betape, Maha Otofu ka auvati ora. ²⁰ Amita peka ke aja, avo tefo ae ra, mane. Embo eni ufo avo pure embo ara. Ke peka ke avo hiae mehere. ²¹ Rate, Maha Otofu ami nuha hei Meni Otofu avo Maha ta pure embo aja. Maha Otofu ta buku ke kajari ami ke enga ija. Maha Otofu ami ke be ma hei ingera. Nango betapa pure embo anga eto, iji nanofo eto ami ke tofota avo mane ajirekati uja." ²² Avo eto, pure meni otofu ami aja, avo akari be eto pure maha iji kiri ta avo senikaraja. ²³ Iji maha bete, embo ainga be, maha ta pure embo ora, amita be avo embo ainga be ambu ora, mane pure embo eto nanofo mihiora. ²⁴ Rate Meni Otofu avo iji nanofo mihaja. pure ami kajena avo eni be heka ari areko mane ra. ²⁵ Avo eto, nanofo embo pamone humbau overeketo Maha Otofu hena ai auvara ue, javo amita ai, amita be avo tofo amita meheri avo nanofo be eto enana hondate ue humora euja. ²⁶ Pure embo ihrare be ta, engari ami nango ka inono atiuja, amita samuna eto tumu kaonu mihae eto meheri amita avo usasa pere eto tokono mehae. Tofo nimo nuho avo unga ihrare be ai mihija. Embo samuna ora avo toto isa ara. ²⁷ Maha Otofu ta ombari hieri, iji betapa mane hiuja. tofota samuna avo harikati ue, amita ambo ai, embo pamone re samuna heukeuja, Maha Otofu ta pure embo ami iji mahabe te eora. ²⁸ Lo ami eoi, embo ta ivo mihae euja. Pure embo pepemi ati heka eora avo. Rate, kembe evi, lo ambo ai vuviaja, meni singa avo heka eto. Meni avo meni akari ra embo kiri vuviaja, nango hondate eto meheri nanofo humbara ue.