¹ Eha kapu toto pambatora. Iriketo ke Meni Otofu ( Lord ) ta ke avo umbuto pambatora. Nagota siro pajija avo embo samuna mane kaike to oiahao atora. ² Eto nimo vari ta arepoikari, Maha Otofu ta umbuto ereraja amita meri nanofo ta sirikari. ³ Maha Otofu pemi avora ari hiou atora. ⁴ Embo avo unga ta hande indito kiara, avo Ahihi Otofu ta jamo mo ofai ? ⁵ Embo avo iji dipori be mo Meni Otofu ta ke ivo akaribe mo eto kou. ⁶ Rate embo avo pambuto , veto kito , overeketo vuvurerai enana ta re surumane be ra. Eha ami ta be re. enana uje be re Meni Otofu re hora torara eto ofaha ai nuha meheti uja. ⁷ Eto embo avo koviuja eto uriuja avo Maha Otofu akari avo hiae novoja, amita joai va vuvuja eto Maha nagato vuvue metiuja avo enda ta gamu akari hietuja, avo eto i~e jikamo ari aheko ami akari erafuja, enda kovari embo ta, eto Maha Otofu ta akari avo vatuja, enda kovari embo ta. ⁸ Eto enda evi samuna eruruja eto samuna ati pambuja amita tutumo avo i~i ai eveketo mihaetiuja. ⁹ Avorate nau enjo hoi ivo ari ke ninae hietona re evira, donda akari eto kosari avo humbatoa avo kito. ¹⁰ Eto Maha Otofu avo ufotapa aera, no tungabari eto pure amita javo ai ehea avo mane nimo kuina atuja, amita be amo nimo pure akari ehea Maha Otofu ta javo ai eni avo Maha Otofu kembe ari embo meni ta vasiri akari eoa. ¹¹ Eto nangota uje ari pemi be avo ningo ufu tapa tapa amita pure arita jo avo mane toavo vatuja rate jikito mihirovu tutumo ati uja. Avo eto kito nimo donda do umbati jo hiea avo be ati uja. ¹² Nango nimo kupi hamo ae ujae ora, rate Maha Otofu ta ati ue aja mihija avo umbati ue embo ta kembe ari te jamo ari teta iji tutumo avo eto. ¹³ Maha Otofu ta ke nanofo merita ke Abraham ta hietuja avo embo amita ai mihae kito kavo tofota ai ke akari avo joaja. ¹⁴ Eto heija Maha Otofu mi nimo avo javotofo hietona, eto nimo avo Maha hito mehea amita hamo ai eni ami temba no vietuja. ¹⁵ Abraham ta jamo jama te humuha Maha Otofu ari avo jikito mehei akari Maha Otofu tai vehei ufoaja. ¹⁶ Embo ke pepemi avo aru tambu aja ue avo embo ita, amita javo ai jikito ke eore pambuto tambu eto eore jiruru keoja, eto avora ari euja. ¹⁷ Avora iji emikote Maha Otofu mi oja evi au ofa aja ue avo tofota vui ta akari avo siro purae orereto ehei kiara avora ari eto kakara tekaka aja. ¹⁸ Eto nangota siro pure, meheri tutumo avo veto huriari ra, eto akari eto orereto vuijuta pambija amita jo ai Maha ta vande otofu ta pe peikari bo eto jo ai, eto jo ai horeto ketora kapu otofu avo amita kuai. ¹⁹ Nangota siro pure avo evira, orereto nangota Ahihi avo huriatuja vande tofo ai, eto kapu otofu ai. ²⁰ Maha Otofu ta Meni Otofu ( Lord ) avo kihi horiaja kapu otofu ai, nango avo embo, amita be avo tofo nimo avo embo meni eto maha nanofo metuja, pure otofu ari embo Melchizedek mi aja angato nongo.