¹ Pita, meni Otofu ta pure ari embo ami Maha Otofu ta sirikari embo meni da Pontus, Galatia, Cappadocia, Asia, eto Bithynia amita ke kajato ange ena. ² Emore Maha Otofu ta siro mujura eto tofota ahihi Otofu amita ke aki ari meni Otofu ta sasa umbuja Tofuta akari hebai ai ngota peka pemi be ai. ³ Avo eto Maha Otofu eto meni Otofu avo jakeka are mine meni Otofu ta ambuto ireraja ami nago heha ara avo eto. ⁴ Eto ungeta akari amo mane miahe ati uja eto o momo no ami mane kabati uja, amore mah nanofo ange mati uja unge ai. ⁵ Nou kebeari ai Maha Otofu ta ivo ami nimore simba uja, amita be amo nangota kosari iji avija avo eto. ⁶ Nimo ke evi kove harikato ene hanana oa te iji avo ai nimo meme kamr eni be humbati oa. ⁷ Eto no kebeari amo gold angeri mane avo eto ie ami no kebeari eto keti uja mine nimo jakeka eto usasa meni Otofu jo ai miha avo eto. ⁸ Meni Otofu avo no tiri ami kia ra, te nimo tunga ufoia amita be amo nimo avo Kebe eiha eto hanana ami osa oha tofota akari jo ai. ⁹ Nimo iji eha emi, no kebeari ta be bijireri no joai ufoa avora. ¹⁰ Maha Otofu ta pure embo ami eto koko eto hovara no kosari eto jo ari Maha ami sirikaja avo. ¹¹ Ahihi Otofu ami iji meni Otofu ta ando do ati uja avo harikaja avo simbe ue, iji do te hako atoja avo simba mera. ¹² Enana ta ija karaja amo enana nigota ie, rate meni Otofu ta ara avo koro, amita be amo ke Otofu Ahihi Otofu ami unga eto aja avo enana anera ami fuketo kove mera. ¹³ Avo eto nigota horembari avo humbuto tapata uhe, nigota horemba, horemba avo meni Otofu ta javo ai ofu ati uja. ¹⁴ Ke aki ari meni undi, wasiri Maha avo overeketo mane ati ova. ¹⁵ Nimo avo jaka ea Otofu era angato no wasiri betapata akari pele ejo. ¹⁶ Maha ta ke ai mah kajarira, Otofu ejo, amita be amo namo Otofu bera. ¹⁷ Angato namo Maha eha kito re, iji vuvuro nigo tapa tapa avo nigota wasiri eto pure enda ai ove nigota sirikati ona. ¹⁸ Amita be amo, nimo avo koro o gurisa ami umbuto hombara, rate wasiri akari Maha Otofu ena humbeai avo ejo. ¹⁹ Avora te nimo avo meni Otofu ta sas akari be ami umbuto ufafa, o lamb ta sasa ete akari bera. ²⁰ Meni Otofu re mah ai mae ami enda ta susure aja, rate, iji usi ore ninae vuvure ti uja kijo. ²¹ Embo avo meni Otofu kebe ara, amo Maha Otofu avo kebe era, amita be amo, Maha ami meni Otofu ike ere, usasa jokaja, amita be amo nagota bebeari eto horembari, horemba Maha Otofu hena uketo mora ue. ²² No jo ejo Otofu be ie eto no ke akari ari avo kebe ami eto avo ue no nane nameni jo be eto tunga humbari be ami tunga bara eja. ²³ Nimo amo heko ingati oi, amita be amo nimo i-vi akari Maha Otofu ena ai kabuto avo eto. ²⁴ Ando betapata amo gurasi inono ra, eto amita usasa amo araka gurasi amita flavas inono ra, rate gurasi avo afuro re, flavas re hoketo viti uja. ²⁵ Rate Maha ta ke Otofu emore mah nanofo, metiuja. Amore ke Otofu ninae ere ingi kara avora.