¹ Tuturo be da awa nane kare ingetera, edo nane kare gositera gisi mi gosi tera, edo natokare ipa mi tujiji tera awa wasiri da ge, ² Daedo wasiri awa karigetero, natokare yai arapa esiri gera, awa embo wasiri natopo itari awa, ito mane yai karigetera, wasiri natopo itari maka de isira, awa natokare yai karigetoro arapa esira. ³ Awa nane kare ingera edo gera, awa nane kare ito mane yai daedo karigetera eire, ango aro imo mane daedo namo dekare dasiga awate, ge be kaenato dasiga awa ae maka de, ae ainda mai iesu keriso deda. ⁴ Daedo ito mane yai ge ewa gagurena, awa natkare do-o, awa yaviri mi ato ae eiri era. ⁵ Bino eiwa nane kare ainda yai, ingera awa ito mane yai karigetera, Godi awa parara, edo ainda doda tumba itae. ⁶ Kaende maka dasiga erasite, tumba da ainto era, awa kaema ge busite, maka da ge be awa iwata da piyae ena. ⁷ Ata kaen ainto parara da ena, da maka parara da isira ango, ami awa kaena dao nameji de dasiga ena, ami awa iesu da ororo mi kaena nato jimbo berari awa teyaina. ⁸ Edo kaenane tana, nakare jimbo itae, awa kaena akuta udumbetera, edo ge moka be kaen nato yai itae. ⁹ Ata kaenato jimbo awa bedara gido, awa maka awa dave rare kaenato jimbo awa kotembedo doturite berari teyaina. ¹⁰ Kaena jimbo ae tara, awa kaen eteno maka awa pitawa kato ira, edo maka da ge awa kaen nato doda itae.