¹ Pol, awa apastol ,- emo tako emo enumu da buro emo mi piae apastol ae,ata Bada Iesu Keriso da toda God mamo mi, imo betari da jiri erorosisia ami pipisisia. ² Dodoma berari namode daedo, sosi mane Galeitia ainda iei. ³ Toregari ito mane iei edo bega God natokane mamo edo Bada Iesu Keriso kena . ⁴ Ami akuta nato kane jimbo bebegae awa tedo ango edo ami God edo mamo ainda udoda ango ⁵ Taogari matawa edo, natopo ainda iei. Awara gebe. ⁶ Na kore ena ane imo burigi de be eve warere goteta Keriso da toregari mi dao sisia awa isiri dodo .Na kore ena ane imo ge jiwari eve ainda warere goteta ⁷ Ane ge dave nei demoda isia tae ata emo ainda nenei imo buria pipitera edo Keriso da ge dave awa eve mi tera. ⁸ Ata nanekane tako anera utuda ami ge jiwari eve imo de tara, nane kane tedenakane awa dodo, do imo bouga de itera ⁹ Da nanekane matu sitenakane ago awa tedo na boroko tekago tena ,"emo da aimi karigedo binga dave matu kuputeta awa siari eve taia, doyo bougada itare." ¹⁰ Ko na boroko awa awara ari emo da iei tako God da iei gai eni ? Gai ena amo na emo ano dubo dave orete enitako? Na mata emo ano dubo dave orete ena gido, na awa Keriso da buro emo ae. ¹¹ Dodoma, ko na imo mane gavete jipapa ena ane. Na binga dave tedo ena awa emo da binga dave ae . ¹² na emo nei ainda yeida kumae, edo na atopatae gae awa ta Bada Iesu mi namode karigosisa, ¹³ Imo mane ingitewa nato wasiri mamatu judaisim da isite esitena. Na nongo da God da sosi usibesi esitena tega darutegedo be edo be nane mi be usibesi be aitedo esitena. ¹⁴ Na gigito esitena Judaisim doda jiwae be nato duberi tega da ainda, da nato emo topo da doda .Na sinigamari tumoda ari da toda . ¹⁵ Ata God, mi na nato ai da urida iteno avigedo demoda pipisia , edo ami na ainda toregari da doda dao sisia. ¹⁶ Dubo dave esisa edo ainda mai nato doda karigosisa, ango ari na imo emo aumo da iei teoroda karigane te esisia, na pisi da ororo awa burigi de be gai tedo ae. ¹⁷ Na jerusalem visi do emo mai nato gisida apastal esitera ainda bamae doturi tena. Edo dodo Arabia edo Damascus overego sitena . ¹⁸ Ango edo duberi tamode itae esiri awa Jerusalem cephas gai tedo bamudo pura tote edo jitao da esitena. ¹⁹ Na apastol nei gae ata da kain James, Bada da doma (awa gositena). ²⁰ Nanemi ito yei ove jive na, nane ito yeida tedo gotena God da jisida, na imo udu mae ²¹ Na Syria edo Cilica yeiyei ainda bamu sitena. ²² Iesu da sosi Judea itera awa na dave edo gae itera. ²³ Emo mai awa tepo tero dengoro mi gositera,"emo nakane dedo gae do usi besi esisia emo awa boroko kaviegari da ge kari goteite eiya." ²⁴ Emo mai awa God tao gari pipisitera ainda be awa nane mi esitena awa embo.