¹ Duberi potin itae esiri na tekago Banabas kumdo Jerusalem visido, titus kumdo ainda daedo. ² Na visido bamu sitena ainda be awa karigari edo ge dave emo aumo da yei karigedo esitena awa ano gorete esitena, ango esitena awa tupena ango ae, oko tepo tupena ae. ³ Ata titus awa Greek emo namode da edo, awa tamo kaparete engega ae. ⁴ Dodoma nei ge butari mi nato kane udegari Bada Iesu da iei kupana kane awa unugari gai gupara. Emo mai ainda udo re aro nakane buro bajina be ari emo ane kane te era. ⁵ Ata iji tupo de awa nakane emo mai ainda do;o da torare, awa embo ge be jiwari da awa mata imo mane itaiya. ⁶ Ata ouwa mane aimi piaro vita rete (Awa mane rori awa nato iei da bajina ae, God emo da atuka dubo kumae) auwa nane tena, aimi bibain be inge esia ami nato tamo da ro da piae. ⁷ Ainda demoda, emo mai gositera awa na ge dave awa kuputena awa emo mai tamo ainto kapae awa sima ana awa gositera, da pita ge dave kupusia awa tamo ainto kariva kapedo ari emo mai awa sima aiya. ⁸ God ko, pita da doda buro esisia,da ango do nato da buro esisia emo aumo awa embo. ⁹ Iji ainda James, cepas, edo Jon awa mane awa sosi ari badari emo mai awa gositera, toregari namo de pisisisia awa gositera, awa mane da ipa be awa Banabas ae namo de eta umojiai tedo pipisitera. Emo mai angoesitera awa ango aro ami nakane emo aumo da iei bamanakane ango esitera ango edo emo mai awa tamo ainto kariwa kapari emo mai ainda yei bamara ango esitera ¹⁰ emo mai nakane mi emo rorae itae awa akuta sima anekanete ganega esitera, na be buro awa ai jipapa be ena awa sitera. ¹¹ Ata iji ainde Kipas Entiok gumiri, na ainda jisi moka da ge beyae sitena ainda be awa imo wasiri beyae eiya awa karigo sitera. ¹² Matu emo mai dao piae awa Jems da yei edo guputera, kipas awa emo aumo de da inari ineiri. Ata emo mai eiya gumero, imo dodo emo aumo awa gaino esisiya. Imo ouwa avemi tamo kariwa kapari kumai sitera awa adu esisiya . ¹³ Da ango Juis nenei berari dave inge era ainda toto ritera. Banabas awa daedo ko gisi jido ebata demo beda awa mane ge pitawa mi edo kum bamu sitera. ¹⁴ ata iji da ainda na awa mane da iwata kawata ge be moka ge dave doda isiya awa amoamo ae ero gositena ainde ,nane kipas de emo berari awa mane da doda sitena,"imo jiu rata emo aumo mi isima edera ango iteta edo jiu ango ae,nongo da ine mi emo aumo engega ato Jiu mi itarago itaru ? . ¹⁵ nakane akuta awa Jius da engari edo emo aumo jimbo emo mai ae . ¹⁶ Ate nakane gide nakane awa emo ainda aodari buro edeiya ami kodade ae ata tumo dari Bada Iesu. Da ainda daedo kumdo eiya naka neda ango tumoda ari mina Bada Iesu ainda iei gupa nakane ango edo ami nakane awara ari awa tumoda ari Iesu ami kupa nakane edo aodari da buro mi kumae. Ko ao darida buro mi piyae gido awa tamo pisi eiya awara ari kumayae . ¹⁷ ata nakane awara ari keriso da iei gai tedo ena kane, daedo jimbo emo ango gotena kane, engo mi Keriso jimbo euri bajina edei-rita ? gebe berari awa ae! ¹⁸ ko nane rovi matu usibesi esitena awa tekago ano bajina areta ana, na aodari eregari emo ango na akuta karigana. ¹⁹ Ko aodari da toda na aodari da besitena ango edo ami na God awa embo itana ango akuta karigana. ²⁰ Na Keriso de daedo besitena, ane na akuta itae, ata Keriso nato do da ismae- edeia. Wasiri na boroko pisida itena, ami na dubo kumudo edo imo akuta na emo pipisisia. ²¹ Na God da toregari awa demo da piyae, ko imo dave aodari da to da kumae eteta gido, awa Keriso besisia awa tepo aiya.