¹ Dii huhui kakoluvuia daa lalai uvuai olai laa ivegei laa aveve dua avale kelu daa lalai sisila kitae alu isi daa olale lai aveve dua keta kosive nile ui tigeve. ² Daa olai keate abutitalu koto vole loui EUODIA isi SINITIKE laea kosive ataea momai volelai tuvuagelive isito voleali udua ageve. ³ Dati loviu dua avale susugasi dale alu kotovole loui keate abutitake lavigei hoeaseave kosealelu kea luta daa duluai kotou dua ko loui ata haiveva isi KELEMENTI isi ata volea daa duluaive hauiva keta hoeaseave kosealelu kea iviu DILAVAu ukolikoli bukau uvue ulu. ⁴ KOSIVEu uveve dua lameale kele vali bahata sisilave daa tota laa lavigei sisilave vali bahata. ⁵ Momai volelai genuhamai lougelive isito saiale volelai louve kosealelu IESU loiveveu vuguvugualu. ⁶ Laa beu laa vadeu alive kehuhui moeagagelive isito sisilale guliguliai DILAVA laviageve. ⁷ Ige DILAVAu uveve dua ataea dibu soliale ke lamei lai uvu hoeaseavage laba valevileke huhualivelu vele isito lale IESU KELISO ivile huhui huhui duaula ageve vali bahata. ⁸ Di kakoluvuia da kotou vaove louge evive, aveve dua ula huhuai ageve labeu huhuihuhui tolove avale isito vadeula leleve, vadeula duave, vadeula lilikata tiale, vadeula DILAVAu nile aveve dua, vadeula ata hoeasevege duavale aveve kateale huhuave vali baita. ⁹ Daa memila koto loui laa haivealeke evisi ave isi daa lai nita vadeu avaleke late ai tigeve kateige DILAVAule uveve dua lamei laili ui. ¹⁰ Laa tota hau hanavai daduluale keluga dalalai sisila kitae alu isi DILAVA hoeaseaviva dahuhuige lamemila olai daduluai isito kuvau uesolilu isito laa aike daduluage dalalai sisila kitae alu. ¹¹ Daa louale keu kosealu dalaele valevvile agiveveke huhualivelu bele isito vadeu daele uale keu vava avola keu. ¹² Isoho daele valevile kitaeu uale isoho eseieeu ualeke daba huhualivelu bele isi isoho davagalage isoho dii gogou haniage keta nenive, aveve katealelu aike daele loiesolilu isito vali bahata dakeai loivalela keu. ¹³ IESU KELISOla au vuvune damuge aveve katealele dale meliai ugei. ¹⁴ Isito aike aveve toelau loige laa dalua dua alu. ¹⁵ BILIBIENISI ataea la huhuige daa memila lai vatava MASIDONIA kalei tiale kotou dua loui ata vole haivesege laa igalia valevile kele daduluava, isege ekalesi volea dadulua soliva, valevile kele isito la ulaeala daa duava. ¹⁶ Daa TESOLONIKAea oe usege vali voleo lahau damuva isi daa olale keta hanaviva. ¹⁷ Isito daba koseale huhualivelu bele dale laele hau moeaga agisi ugei daba kateale huhualivelu bele, isito laa daa duluage daa loviu dua age lale ke ibilave dua agive kelu misinali duluageve DILAVAule ibilave lamei. ¹⁸ Laa valevile agisi EBABALODITASI vavuge keu agisi loale keu senisi hagote kelate DILAVAu nile hagoai ulu aveve keleteu duave baua. ¹⁹ Katealelu lailoi DILAVAule lailoele hau ue solivaleke lailoamei au hau moeaga kele daive IESU KELISO ivile. ²⁰ Daa olale lai vali bahata lailoi mama DILAVA keivive letatavai hoeaseavagei koto kou koto leleve. Ataea haudua DILAVA vileo agisito ibilavelu DILAVA hoeaseava soliva kalau toela la keu. ²¹ Isito IESU KELISOu amigalu la agigelu ige laea IESU vile kelu daa di sisila nona lalai hanaviva ige evievi kakoluvuia koveo uvale ata kea abota abo sisila nona lalai hanavalu. ²² Ige DILAVAu ata bahata kove uvale kenenia lalai abo sisila nona lalai hanaveva, ige kele gamani kosi kitae sisa kevileo hauivale ata kea lalai abo sisila nona hanavalu. ²³ Daa olavale lailoko nenia IESU KELISOu munana tuvu lailoi munanateti kavoloai tigei vali bahata dii nonau kele kateai vesulu.