¹ Bulau vesuge Meli Magidaleni, Meli Diemimisi ta Salome ta aiabe, kea senisi hagote ke vaogei agisi lolu sanidei vavita Iesu vava vavue velivelu. ² Isi vavita vau hodota lolu Iesu vutae. ³ Loevealea kuvau tavae vole lavigei avoe oleule lai lolai vule kitae abovai ela abata vaa bavuale ke levovoai. ⁴ Isi ke loui loi ivage vule keu vovolovai bagalaveo ulu. ⁵ Ige ea ke ivai tai gliu vae tievelu. Tai ivage Anelu voleu ogona taete katuale keta Iesu lovole ada vaiteo ugulumai uva. Ige ea keivai vabuiavalu. ⁶ Ige Anelu keu lavigei avoe, vabu kalevave laea Nasaleta biage kavale kela laa kaoiva. Dilavau isage kobelalu, loi lovove ivave. ⁷ Kateaito lavigei avoe taevelivelu mohohoeabeta Bita ta laviave. Iesu kobelai Galileiae tilu. Laea ba tailivelu ivave. ⁸ Ige keate kea ke evisi fabu kitaeta kobekavai viliviliai tievelu ata lavige solilu. ⁹ Sanide ke igali uvule vavita Melimagadaleni aau avoele munana toela seveni aau avoele lovegeale ke ivalu. ¹⁰ Ige Meliu tai auu aboili uvale ke lavigelu, kea uui uvuai alio kavai usege. ¹¹ Eaa evige Iesu kobelalu isito vai lelevetie solilu. ¹² Kee iae vali ke igalile Iesu foo vole abutiu kuvala tivaga Iesu amiga lekoveai ata vole ai aboili otiva geto eaa baa iva iluvielu emausi kuvae. ¹³ Ige ese abuti kea tai Disaibolo vole lavigeto eea kotoeabe ke vai lelevetie solilu. ¹⁴ Iesu ke iae Disaibolo ileveni kea lovi isege Iesu aboele velevalu isi abolai lou kitae alu, eavolea Iesu ivai loui louge to eaa koto vai leleveti solisito malomalota ueviva. ¹⁵ Iesu lavige avoe laeale vata ko nenile aloloai keve. ¹⁶ Ige oleu evisi babatiso soliale keule voele toela vai vaola vatau vesuiavale kela. Ige oleu evisi babatisoale keule ukolikoli, isege ole evie solisi babatiso soliale keule voele toela vai faoe. ¹⁷ Ige olea dii koto ko eviale ke dale dii vuvune ko vavega bole talive, ata vole sisila toela eau uui agige tilogo tiale munana toela ke abo lovegei isi hatitite ke hoeasevege abole doadoai, isi abole ata volea nonate kele aboili nonai haivei tai. ¹⁸ Ige ute aaihaniteu keu uagevege aboba vovolivelu bele, isi abole hatitite kea tatale abo ada vaevage keale doadoai. ¹⁹ Iesu nona keneni haivevaga vesusege otogoe tilu tialeu aau mama adave vaiteve keveo tai ugulumai ulu. ²⁰ Ige Disaibolo ea kobekavai vata kenenile Iesu nona loui haivei tilu, ige Iesu aboili haualu ige eea ivai teteivale. Ige ataea ke ivaievisi vai leleve tilu,ige Iesu aboili hau igalialu.