¹ Loo levaleva ko kisaiai olale ata voleu ukolikoli nona lolai louale ke lalai loui memila vata kou uesolisege ata keu ulu. Iale keu loaleu lolai koto ke louge lo kotove ke evisi tavave kela holisi loi nitela ivalu atake. ² Ukolikoli ata keu au mamati ualeu ukolikoli nona vai loige loke ivala aveive, koto ko loui la haiveva. ³ Loo keivai kotove evilaive laa lavigeva loo olale lailo konenia bahata IESU KELISO ta mamaveta keali igalitoi abouli ui hoesevei sisilaeabe ai aboili ui. ⁴ Loo kokisaiai hanavage lai sisila keu kitaeai. ⁵ Ata keu lolai louale kotovela lola lavigeva evive, avoe DILAVA keu ataga biage, ke vileo vaviu gusubeu ue solilu. ⁶ Iale isoho lai loui kosealu, loea DILAVA luvita igalitoalu lai kateai louito lai vato vaviu avevele uva ige lailoi nona isi lailoi aveve keu sele ulala laike ava. ⁷ Isito lailole DILAVAu atagale uale kelate aluaga lailole voleali igali toai sisilai lailole kelate age DILAVAu voo IESU KELISO keule au taota lailoi toela ketotoai. ⁸ Isoho lailole loui koseai loea loi toela beu ue solilu laike louluaga lailo biagea lai lomiga seleaveva ige koto leleve keu lai loele ue solilu. ⁹ Isito lailole lai loi toela ke loui DILAVA laviage aule lailoi toela ke totoai ige lailole duai ui. ¹⁰ Isi isoho lailole loui koseai loea toelau uesolilu isi kateai loui DILAVA seleaviva ige kotove keu lai loele uesolilu. Kosealelu eu loui avoe ata konenia toelalu beu dua solilu.