¹ Simon Pita, Mamo da Main da buro embo, avekave namodekare tumondari dave da da buritenakare, Mamo ae main de da yai. ² Tonembari edo bega awa Mamo edo Main awamane da gari do ainda be badare. ³ Rorae berari de , Mamo da wasiri da goroba okain be, ainda wasiri natokare pisina. Mamo da uboa awa namondekare pisina , Natokare dao sisina ainda, jirogari, duroka edo dave berari ainda do da pisina. ⁴ Ainda doda Mamo tarigari davebe edo bibain be pisina, edo ango eira ami, nakare ainda doda piana, eite butu da udo bineimi pipiteira awa daginegara. ⁵ Awatedo imo edogido, daveberari awa tumondari "tamonda piata, Edo tumondari tamonda jirogari piata. ⁶ Edo jirogari tamonda akuta sima ari piata, edo akuta sima ari tamonda borere sima ari piata, edo borere sima ari tamonda awa Mamo riroro ari piata, ⁷ Edo Mamo Siroro arida tamoda awa dubobarimi piata. ⁸ Roviravi eiwa ito doda isira edo erari gido. Imu mana beae ata, edo Mamo da jirogari da doda itata. ⁹ Awarata, embo awe rorae eiwa itae awa aikae be jisi guba aina, edo jimbo matu teisina awa ruwegaina. ¹⁰ Awatedo nanonenji, edo gido itomane daotari edo kaviegari awa be awa, ata imu buro eiwa ata awa imu tai dain ae. ¹¹ ango eteta ami imonde awa daginegedo piaina, Mamo siroro arida maguro da . ¹² Awarata na imane dengoro ain sia ena, ko imo gari, ko imo goroba, gebe ari doda iteta. ¹³ Awa dave edo kotemana, da na tagara doda isite kotembawate tena angode. ¹⁴ Nato tagara sitari awa aikae eira, ainda be Mamo da Mai mi esiri arapa eira. ¹⁵ Na nato berari piana, rorae berari kotembawa na taigotena angode. ¹⁶ Ata nakare kiki matu esitera awa arapa ae, edo anukare gata mamo da Mai da goroba edo ainda gumbari arapa aina, be awa nakare jisi gari embomai. ¹⁷ Mai atoaride, durokade Mamo siroro da burisina ami eiri duroka taogarimi sitera. "Eiwa nato dubo be bari mai, ami euri na do bededeira." ¹⁸ Nakare pamu kotopu da Mamu da mai de isite utuda dave gositera. ¹⁹ Nakare wasiri bibain amboda gumaina awa arapa eira, be sitedo, da parara wotaina edo sipo damana natokare doda awaina. ²⁰ Berarida ikane, awa wasiri bibain amboda idegaina awa emboda ge wareregari embo. ²¹ Wasiri bibain amboda dero bureira awa embo da jipapa mi tae, ata embo Asisi Kotopu de ge siworo, Asisi Kotopu mi embo budo ainto edo eira.