¹ Aeta ave tai ve,a safu kaiae irive opi meope. ² Na mai ekapo ve irive meope ma mearovaeka ve.A mearovaeka ve haikaeai nei meoveope,na ove ekaka kure meoveope na ijave erei tivi nei meoveope. ³ Ae erei na karu ve aru meoveope irive,erei na makuri ekaka ro noi nouapo kofa nei meoveope mearovaeka ve,aea saravave hairi ouveope.erei ma mearovaeka ve iri kaiaei forerope mere saeija,aeta karu foromai. ⁴ Navei are moforoe aea tairu ve pesoso Ualare ipi are ereiraro haikakare nouapo. ⁵ Na soa ve erei safu kaiae ve irive meoveope,are erei foromaiapo ro noi makuri neipe keriso ve irive-na tairu ve aro noi makuri neipe. ⁶ Ualare ereiraro noi joi Keriso oi nia,ae Ualare ereiraro noi kouri mearovaeka ve nia avei Iesu Keriso irive, ⁷ Teri na soa taotao are ovi ioei areve moforoe ve tairu nouapo kofa irai rove taive Iesu Keriso irive. ⁸ Ipi moforoe tairu aro ave na sujarere ai noi makuri neipe,ae are ave foreri aepe,are Ualare ve meru. ⁹ Moforoe tairu are tivi ve kao aeta karu ae hiva o nevei meai. ¹⁰ Ereveija Ualare ve tivi karu,pesosipe Iesu Keriso irive Ualare ve na seseovi aivape tivi meta neiti,erei mora narave povi meai. ¹¹ Naravei seseovei e Iudea karu sarava tai ve meoveope.Aro"sujarerei ouje"karu o meoveope iti ma soa ve sujarerei sarava ve tai o meove mai pesosipe na etou. ¹² Na soa kofove irai Arahoa ve maria kofa.Ava au forerape karu isaraera karikara irive.Ava na afi vaupe o ve tai au forerape karu.Ma tevija meta ava na irive harokao.ava Ualare ija kao mearovaeka ve irive. ¹³ E Ualare ro ara kofa lei meo,faraeka Iesu ve ovo irairaro joea noi kaleipe. ¹⁴ Arahoha are lei mafu noi kaloi, ae orahake meove ope nara are kora sasu jovi kaloi,irairaro ovi joti firu fareapo loi. ¹⁵ Are maisoka a Iudea karu safu tite tite foromai apo fare ovi,are auja karu orahake noi fareamai leiti.Na safu are irairaro noi hai meta neiti. ¹⁶ Iesu are karu orahake loi moe fareapo noi.Ualare nia, arekaiae foromai apo satauro ve orori ve loi ovava neipe. ¹⁷ Iesu are joti ero joro ope.Makuri ve o naija are oti ara ve naija are oti hoe ve. ¹⁸ Ipi Iesu Keriso hiki, irai foromai Ualarei nia aea areve safu arahoha ta nia. ¹⁹ Nara vei masoa ve nasoka karu nehia nehia aea oti ara karu ka'a,e oti aea karu ka'a,so nara vei irai areve karu noi,Ualare are hiki are pesosi noi foreri,so ao aeta orao irai areve karu noi. ²⁰ Eva Ualare ve uvi feare pisosipe, so na uvi arenaija ve na aposotolo aea peroveta karu o tomu seo ve ope,Iesu are hiki lofo aeta na uvi ve papu vija. ²¹ Ipi Ualare ve etou etou foromaiapo joti kokoruja oti fareapo lei areve na uvi iri kere lei ne pea. ²² Ipi are aro pisosipe soa are arahoa ve uvi loi Ualare ve na arahoa tari ne povi.