¹ Pauro, Iesu Keriso ve tivi karu Efeso karikara ve Ualare o ai Iesu sujarere ve ope karu firu ro meope. ² Oa Ualare aeata Iesu Keriso ija tairu hairi aeta hairi mafu aro ovi rope. ³ Iesu ve oa Ualare noi haimeta neiti,areve Arahoha meta erei raro toarei kauri oti ve, ipi Iesu. ⁴ Mearovaeka are pesosipe soa ve Ualare erei foromai apo ro eri ovope.Ualare ve ofae ve iri ve haikakare meta ka,a kaiae ouje vei. ⁵ Iesu Keriso tai ve Ualare erei raro nari ovope,areve tairu ro noi sosoru neiti. ⁶ Areve haikakare mere Iesu Keriso tai ve erei raro ovope are ve tairu noi sosoru sosoru neiti vei. ⁷ Iesu keriso satauro ve opi erei rove kaiae vei, satauro apope erei raro eri ovope ipi areve na tairu meta ariti. ⁸ Ualare ovirope erei raro na tairu oije aeata haiore. ⁹ Ualare erei raro noi ore neipe,areve na murufa haiore arero noi haimeta neipe,na moe hau ve noi fore rope Iesu Keriso vei. ¹⁰ Noi forerei sare ve,orori ve haro mija fareapo are Keriso. ¹¹ Iesu Keriso vei erei raro opa mai ve seseovope,erei rove tai ve aeta Ualare mai opa etou foromai noi fore rope areve na seseovope hairi ve. ¹² Ualare erei raro Iesu Keriso ve tai ve oropa seseovope ipi na meta avai vei, erei hai meta areve na sosoru sosoru ve mea iro. ¹³ Na irive a Iesu Keriso'oi nia na oije ava' api na makuri o suja rere arero pekere neiti ipi na o are Arahoha ve otoare ope. ¹⁴ Areva erei rove mea vija makuri soa iti erei areve na sosoru oi avai so ve. ¹⁵ so na mai vei na soa ara ava pope ave na suja rere ai Papuvija Iesu tai aea ave na haikare Ualare ve na sosoru karu firu vei. ¹⁶ Ara Ualare ro eve ija noki sipere neiti ka'a ne itapo vei. ¹⁷ Ara noki neiti tijove eije erei rove Iesu Keriso ve sujarerea vija mija Ualare aro ovi rai mai ore aeta noi pisi neiti areve na haiore ve. ¹⁸ Ara noki neiti eije ave na hairi ro noi ore neiti ave na seseovo vija etou vei neita ata joti Ualare na karu firu moi areve sosoru noi eije neiti. ¹⁹ Ara noki neivija eije aore neiti Ualare na siahu kea erei arero sujarere ovija karu firu taotao areve na nofo tivi neiti vei. ²⁰ Na siahu o'ovi Ualare ,Iesu Keriso opai iro sujapope aeta arero moi kauri ve areve mai toare ve avo pe. ²¹ Ualare are Iesu Keriso ro mearovaeka ve haro foromai aea nare foromai apo ve pepe ava neiti ve haro fave mija neipe. ²² Ualare are Iesu Keriso ve mora ipi ve etou foromai ovi aivape eata meveu firu foromai apo ve haro fae mija. ²³ Areve moea soka fara eravo no'ore ,areve eije kofa aforeri nara ve ore neiti.