¹ Iji heriso irae eu Iesu egerembeto da Capernaum ta puvuna eto embo na einge ea, amo da ta egerembehija. ² eto iji amikote embomeni indokobe puvua, puvuto bande jo amo inono ena eto arahaga tapa, enu Iesu embo ta degi ke hande ena. ³ Embomeni na puvuhe amo embo popora avo umbuto puvua; embo meni heriso nei heriso amina. ⁴ Embomeni isapamane avoeto, enana horeto Iesu kiari inono ae ena. Enu kito, Iesu hetena ami ta amita ita bande sisi avo perara eto eo pe peni enu, enana ta popora embo avo gaga ta ikeo vena. ⁵ Enana ta humotari avo kito, avo ke ainge ena, '' Nau meni, no sapura avo hotembeto toruhona.'' ⁶ God ta ke pepeni ahe poekari embopo na arumbeto mihio, hotembari ke einge jota hotembea. ⁷ ''Dainge eto embo emo ke einge erei? Eto amina urumbea! Embo amina mane ari sapura hotembeto toaguja rate God wahai ra?" ⁸ Ahihi na Iesu mahu ehai koguija, enana ta jota hotembari avo eto ingari ena, '' ungo do eto hotembari emo ere ove''? ⁹ Eto ena popora ta degi,no ari sapura hotembeto ere toruhona.Ke ainge aisona, ano ereto no evari gaga umbuto pambu ainge asonamo, davo egahare, eto davo gainhare. ¹⁰ Eto embo ta meni na sovera ari umbuto enda ta mihie, embo ta ari sapura hotembeto toasuja. Iesu na embo popora ami ta degi ena. ¹¹ Na no degi ta erena, ereto no besi umbuto no bande ta pambujo. ¹² Embo amo ereto tohota besi umbuto tohota bande ta pambunu embo tapa na koka eto kogue God jakeka ea. eto ari erevi nango mane kiora avo ere kogora. ¹³ Iesu umo jiroromba ta pahunu,embo isapamane be puvuo ahe poekena. ¹⁴ Eto ahepoekenu irae enu, Isa pahue Alphius ta meni Levi, avo koro umbari bande ta mihei kito ena, ere to na ambo e ainge enu Levi eri to ambo ena. ¹⁵ Eto Iesu te amita ambotani te pambuto embo Levi ta bande ta indare indehe, eto enana amo naibe avo eto. ¹⁶ Ke pepeni kiari embopo na Iesu avo ari sapura embo ga indare indunu kito avo eto ingare ea, bo avoembo, embo emo ari sapura enbomeni ga indare indehai? ¹⁷ Iesu na ke avo ingito, enbomeni ta degi ta eto ingari ena,embo ambure ari amo manesivo umbuora, te embo ambure mihia amina sivo umbuora, na amo embo javotoho avoembo puraera, te na avo ari sapura avo embo puvena. ¹⁸ Kepepeni kiari embomeni eto John ta ambotani avo indari agireketo embomeni neinei na puvuto Iesu ta degi eto ingare ea, do avo embo John ta ambotani te kepepeni kiari embopo ta ambotani mo agirekehere, eto no ambotani mo do eto agirekehere? ¹⁹ Iesu na ke mine ainge ena, jimbari ta pondo avo ajirekari irae. ²⁰ Rate iji puvuresuja amo jibari ebmo jigito goruketo umbuto pambasora iji amikote ajirekasora. ²¹ Eto bo mahu perarari avo bo eha na tuketo ihirasuja amo egau umba kaumba eto tohekau ho ehako peni asuja avo eto ari ainge amo mane eagora. ²² Eto embo na o hoga umo higi iketo ari mahu aita vine eha overekasora amo vine na horo vivihe pagito o hoga amo perara asuja eto vine te o hoga te tapa irae asuja te o hoga eha tavine overekasora amo mane perarasuja. ²³ Eto Janguindari iji puvunu Iesu te amita ambotani te embo ta pure degi ta pahue Iesu ta ambotani na ie be avo indesi juketo umbua. ²⁴ Pharisee embomeni na kito Iesu ta degi ke einge ea, " Kijo, do eto ari evi avotari ke na mane ara eria avo no ambotani na Janguindari iji te ereore?" ²⁵ Enana ta degi ke einge ena, " Eto umo eheketo kiaere David na indari indesi ujeje eto beijo enu - amite eto embo meni amiga mihera amiga. ²⁶ daingeto pambuto God ta bande jota ambe vorari umbuto indihara, eto embo Abiathar amo tihijigari embo penibera, amo embo ototohu na pere indagora, eto embo tapa amiga mihera ga?" ²⁷ Iesu na ena, jangoindari iji amo enda embomeni avoeto ikena, te embomeni avo jangoindari iji ta ikaera ²⁸ Avoembo, Embo ta meni Iesu amo Janguindarita Bada ra.