¹ IJi amikote enana ai puvua da Jerusalem, enana da Bethphage eto da Bethany, ta Tiri javo Olives ai puvua, eto Iesu na amita ambotani heriso ikenu araha ta ijikea, ² eto enane ta degi ke einge ena,''Pambuto da jota horevu ungotena mihera amita engihita. Eto ungo horeto amo Donkey kesova amore mane jigama eora. Aha eto tigito nau degi umbuto puvujo. ³ Embo amuna ungo eto ingari,'Ungo do eto ari emo ere ove?' Ungo na aisova, 'Iesu na sau be ujeje ua eto egerembeto eita ika suja.''' ⁴ Enane pahu ea, eto pato o Donkey avo bande bokiri arahe ta tigari mihe kia,eto ahapa eto tigia. ⁵ Embo neinei na enane ta degi einge ea,''Ungo pure do ue o donkey ahapa eto tigeve?'' ⁶ Iesu na ke do ena avo mine ea,eto tohere enane pahu ea. ⁷ Ambotane heriso amina o donkey umbuto Iesu hena puvua eto o andota enana ta ombari na houke to besi ea aro Iesu vihito pambaja uvera. ⁸ Embo meni tapa na enane ta bo houketo embere ta besi tiria, eto embo meni neinei na i hatu tuketo umbua ami na tendi keto ikea. ⁹ Embo dami na kihi pahue ra eto ambo uvera amina jajage ue,''Hosanna,javotoho ari Iesu ta javo ta puvuha. ¹⁰ Javotoho ari puvija amo ungo te nau mama David ta hotari ra,Hosanna ibe ta'' ¹¹ Iesu da Jerusalem jota horena eto jakeka ari bande jota donda tapa mihia avo jorere eto kia.Aita seima unu iji eraie ena eto toho ta ambotani ga da Bethany ai pambua. ¹² Eto iji nei da Bethany ai puvuhaja eto amo beuje mine umbuhaja. ¹³ Iesu na hoi be hoi ta i junga iki avo kina, eto be kesi pauhena be mihei te avo,eto be auveto kogaja avo be irae iki pere kina,amita be amo tohota be ari iji manera. ¹⁴ Iesu na ke einge ena,Embo menina mane no ibe ehako indei sora ijinu tohota ambotane ingia. ¹⁵ Enane da Jerusalem puvuhara,eto jakeka ari bande jota horeto ihi keto ohimbihaja eto koro jandiri kari donda umbuto haperiki haja. ¹⁶ Iesu na embo na donda neinei umbuto jakeka ari bande jota puvuro ra ujai ena ¹⁷ Iesu na embo ahe poekihe eingena,nau bande emore jakeka ari bande ra. Rate ungo na eheve ombari bande eto pegene bande ehija. ¹⁸ Enana Priest pepeni te Judea te ke avotari simba ari embopo na ge do iesu na ena avo ingia,Ainge enana Iesu taro amburoja embere jombure ea ainge enana Iesu oju ea amita be amo ahepoekari nei ikena avo eto. ¹⁹ Hure eto mume sihukasi unu kito enana Jerusalem degi avo toto pambua. ²⁰ Aenge eto enana ihobete hae ue i junga avo kia,hatu singi te,uhu bahute eto susu irae mumusa eto mihina avo kia. ²¹ Peter na hotembeto ena, Ahe poekari embo oviki umona mumusa aja ke ijiha are mumusa ua. ²² Iesu na ambotani ta degi ena,God humota evujo. ²³ Kembe nane na erena ungota degi umo amuna tiri emita,Ereto pato evata no ahihi sapura avo ohim bejo,eto jota mane jeneki honeki aisoa nane ena ijekasuja,emore do God na asuja. ²⁴ Avoeto nane na no degi erena donda tapa pari eto penunu eto kebe ora amo umba soa eto ao no be asuja. ²⁵ Aenge erito heteto pari ue embo neita degi do eha avo hotembeto tojo aenge dombo mama God uhu ita amina no ari sapura hotembeto toa suja. ²⁶ '' ²⁷ Iesu te amita ambotani te da Jerusalem ta egerembea. avora Iesu na haeto temple jota horena, ami kote priest okokosete ke avotari simba ari pepeni eto aingo embo okokose uhoho ga pavua Iesu ta degi. ²⁸ Enana na Iesu ta degi einge ea, amuna avorari ikehai do ue ari tapa emomo ereoe, aravora embo amuna avotari no ikeheiari emo ereoe? ²⁹ Enana ta degi Iesu na ena,''Nanena eto ingari ungota degi ke wahai aisona, na evu ingone ao nanena ke mine amo na sovera ari dai umbuto ari emo ere one avo ano igesora. ³⁰ John na bapatito uija ,Amo uhu ta puvunu te mo o enda embotare ? Evu na ingone . ³¹ Enana ugoro ai kekasihe hinikambari ue einge ea .Ungote einge aisora ,uhu tohora ,amina aisuja , do avo eto ungo ke be hotemba aere? ³² Avorate ungote einge aisora enda embota ra ,enana amo embo pamone isapa mane horukea avo oju ea. Amitabe amo embo pamone tapa John avo peroveta be ra ainge hotembea. ³³ Ainge enana eto ingia ,Iesu ta degi ke einge ea ,'' nango kiae ra ''ainge eo Iesu na enana ta degi ke ena ,''namo te tapa ungo mane ano ingesova ,embo amuta sovera ta pure erevi one.