¹ Eha ami ke pe ari ami to-ta petapa unsukari avire kiae ra. ² Amita tho ai maha aku thavo mi avo ari ra. ³ Ke pe ari nangota Mama ari embo ami enda avo enu ererembari ra. Eto kora to-ta avo kiae to-ta amikao aja. ⁴ Ke pe ari ami Abel tofo akari pe avo Mama ari embo tae hijoaja ke evi, Abel ta ambure amai mihaja.Abel ambuna te eha ke ija. ⁵ Enoch ta ke pe ari ami ithare ai pambuna. Tofo amburae ra''. Embo avo thambae ra God mi ivo te humbuna.''Humbae kithi ta Enoch mi God avo enu hanaina ena. ⁶ Avo eto eha ami ke pe ari ,thumotha ari mihae kito re God re hanaina ari mane hijetuja.Avo eto amita reki ai fue kito re thumotha ari mi God avo amiha eto akari hijetuja tofo kouja embo amitae. ⁷ Noah ta ke pe ari mi Mama ta ke humbuna ambo ai ejekatuja avo,God joru kao tapa mi, umo thamo ai ema atuja suku tikina tofota imbu-fambu te undi-meni avo orekaja ue,enda avo katheto Mama ta akari ta jo ai mihina tofota ke pe ari thamota. ⁸ Abraham ta ke pe ari ami, tofo ja ke ena eto aki ena ami reki kiae reki ai pambuna.To-ta eni avo hijou humbati ie. ⁹ Tofa ke pe ari ami mihaja enda hijeti ari ai Issach te Jacob humbuto poka tapa ai mihara ke ari avo humbati. ¹⁰ Eto enda avo kithi vorereketo haveto kouja embo avo nau oromande mo kirikaro,avo Mama ari embo ra. ¹¹ Sarah ke pe ari eto pure ari meni avo humbaja maha ari ra. Sarah re peko rate mi avo humbajae ena avo eto. Sarah tofota pure ami eto meni humbuna. ¹² Avo eto embo tapa amita jo ai afifije,undi pemi pe vuvuna. Ethekari atheko manera. 4 Ke avo aro ofaha eto kouroro, amara embomeni avire na mehento ra avo havare. ¹⁵ Ke pe ra na reki eni ai pambati othemburue mihime ami overeketo pambuhara. ¹⁶ Rate embomeni totofo ta uje nai reki eni akari ai pambuhara. Amomo ungare avo eto Mama ari embo ami me kiae ra. Amita pe re Mama avo enana ta mane ra. ¹⁷ Abraham ta thumotha amai thoro vuvuhaja .Tofota meni Issach avo hijoaja. Rate tofota ke pe ari ami aja. Tofota meni tapa pe avo Mama ta hijina. ¹⁸ Engato ena, ''Issach nio aku thavo ta javo re nio ai eto humbato ra.'' 9 Abraham tofota meni Issach avo hijouja Mama ari embo ami jikou thoro eraja avo ena. ²⁰ Ke pe ari parako, to-ta vuvuretuja, Issach mi Jacob te Esau maha javo totofo ta aja. ²¹ Ke pe ari Jacob ta, tofo ambureti ue Joseph ta meniundi avo javo akari ari hijina. Tofota i ethu avo jakeka ara ue ena. ²² Joseph ta ke pe ari ami, tofota iji tutumo avo kouve ke ija ando jethu vatuja avo meniundi Egypt te Israel te ke ena. ²³ Ke pe ari Moses ta,iji amikote tofo re ingikurue harika ethotapa angato unsuketo suku tho ai mihauja tofota ete mamo te King ta ke avo joru ae rate meni avo tombu akari avo kouve . ²⁴ Rate Moses amita ke pe ari ami uje ae uja Pharaoh ta jae tae. Rate overeketo Mama God ta undimeni ujejete meme osaka te mihaora angato meheti uje ena. ²⁵ Rate overeketo Mama God ta undimeni ojejete mihaora angato meheti uje ena,rate samuna ta jo ai iji tufo avo mane meheti uje ae ena. ²⁶ Amita tho ai Jesu re embo pemi ra ,rivuhange te avo Egypt ta avire siningari ra. Eto tofota mine avo tithi ami kouve ena. ²⁷ Ke pe ari Moses ta ami Egypt touraja.Embo kuthe te avo joru ae ra. Rate Moses ahihi tithi ami kouja ,keri atheko mane avo kouja . ²⁸ Tofota thumotha ari ami hijito mihaja amita sasaha ami kaimburue pambuna.Eto samuna mi outo meni kithange avo mane jiketora. ²⁹ Ke pe ari ami Umo eva avo evekena iji amiko te Egypt embomeni umo ai mindikea. ³⁰ Ke pe ari Jeriko ta hambaru thoungeto vovaja iji seven amita jo ai jorereto tohore. ³¹ Rahab samuna pamone amburae ena, enana ke ondesa ara amikao, rate tofota ke pe ari ami unsuketo embo sufi ari embo avo humbuto hijito mihaja amita tunga humbari ami. ³² Ke eni mo amundu avo aone? Iji amita amiha namo ae kambae atona re embo Gideon ,Barak,Samson,Jephthah,David,Samuel eto enana peroveta kao. ³³ Tofota ivo ami ithareta enda avire pure ami eto ,tunga humbari ami peka re ofora. Eto o lion ta pikithi avire peikuraja. ³⁴ Amara i ta vevere avo maha kora avo eto efembe ti avo kito pambuna. Arufore akari ae,isoro eto tehere ambusikea isoro embo re. ³⁵ Pamone ta kuseto erari avo overeketo humbua. Rate eni avo erae ea amita pe re kusari akari toae ehera avo eto kusari akari humbati kuma ora. ³⁶ Eto eni ufo re etokeri enite-kanite ea,unumba ea,eto esi ami pundara eto tari pirisa mi torara eto hambaru jo ai tikeri mihaora. ³⁷ Enana avo koro ami torara,efembe ami kafukifo ea eto o sheep ta andoka, o goat ta andoka ami asiara eto ando totofota ai meme te kame te vuvuhara . ³⁸ Enda umo, ukatha-pakatha evi samuna pe ra,enda popora ufaha pe ,eto tiri eto i tho enda puthi tho amiha ai. ³⁹ Embo meni evire maha ke pirisa pe ami hijeri ra rate, enana ke pe ari eto thumotha enana ta ai mihaora rate ati ari avo humbae ra. ⁴⁰ Mama mi nangotae othembari eto siriketo eto avo nango ambu avo aro akari mane ati uja.