¹ Iji maha pe ami Mama ari embo ami ke nangota aku ta reki insa anse ai humbuaija. R ate iji tutumo aei re tofota meni hijei vuvuaia eto meni kithi eto tonda petapata avo amitara ² Rate iji tutumo ai tofota meni avo nagota hijetuja. Amita riri ai enda umo re ena. ³ Mama ta meni ta meni re usasa peimi tera . Mama usasa humbuto ai nio tonda petapa avo jikito amiha, ke ami eto tofota ke ivo Amita aku ai sasamuna re ekena. Avo eto Mama ta ingere pe ai hijei arumbena. ⁴ Mama ta meni avo, anera ototofu amita tithi jijkeri pemi ena, eto angato Mama meni eto angota enana ta javo parako. ⁵ Mama pe mi mo anera avo tae ke mo ei. Nimo avo nau meni pe eto namo avo nio Mama pe avo thoro ena, namo amita Mama eto meni avire nau meni ra. ⁶ Rate thoro, Mama ta meni kithi avo humbuto hijei enda ai vuvuna, eto Mama mi ija, anera ototofu petapa ami Mama otofu avo jakeka eto thumotha ara ija. ⁷ Eto anera ta ke engato ija. Eto Mama miehei anera petapa avo ahihi sarikorora. Eto amita pure embo ehei i jeva ora. ⁸ Rate, amita meni ta ija nio nio meheri ansa ai re Mama pemi unga tofo avo natofo anganto amiha eto etomenti uja. ⁹ Mama pemi otofu amita meheri ansa, Mama ta ethu avo ivo te, vevere te otofu eto akari ami hijouja. Eto nimo akari avo tupo ufoa eto samuna avo hijei vovaja. Avo eto Mama pemi, nio Mama ami oi otofu ami nimo kuthu ija eto oi otofu hanaina te oi a mi peimi ito kuthuja, eto kuthuja ito angato pure embo parako. ¹⁰ Iji ithikari, Bada Jesu mi enda ta susu avo thuri aja eto ungata pure avo nangota ingere aira. ¹¹ Eto avire mihae ati uja rate nimo re pambuhue mehentoa. Eto pothofa thu angato jaeto mihae ati uja. ¹² Eto avire fefa isemba okoka arako ati uja. ¹³ Rate Mama mi anera mo avo tae ei. Nimo nau ingere pe ai arumbao, nio kitofo avo hijono nio theiki thu ai pambai. ¹⁴ Anera eni avo ahihi eto pure ato Mama mi hijei enda ai vuvuto embo au kosari humbare.