¹ Badu mai vina viloamuai eva ai deasi. Kena oi olalovaia eva oi emui ula davata kokotai vitauvai depupulu emui abu kauta viloatai. ² Oi eva oula vaika boabia'a beia sia oabia.Oi obabadu oi oviaku,oni sia oi odavalia mai sia vaka oi olaoaku,oikabasi oi onoia ounai. ³ Oni oula vaka onoinoi beia sia oi odavavalia olana oi onoinoi siasia ounai.Oi emui lalovai eva desi'avana . Oi bevenimui ena ula si'avana abutai ani oi bovi vinaulavai. ⁴ Oi sia oabiadae kanobata itana oi vikau.Sia oikavasi Dilava eva kanobata davata deula veni kauta eva dilava bodalanai deva aota. ⁵ Oi odiaka Puka Kabukabunai ele asi luvata eva anita asi'i.Dilava Lumana emimia nuatai kauna eva emama'a siasia kevatai. ⁶ Olana Dilava ena vilalo namavaikana emimia ounai.Dilava ena Puka Kabukabu eluva vaia ,dai sibomu beabia isi ani beva ovua, ia dai sibona beva manaua eva Dilava ena vilalo namavaikana ia akanai. ⁷ Moluane oni o'umui dae Dilava kevanai mai Dilava kevanai mai diabolo nuamui ovala'asi ani bevi kanimui. ⁸ Oi oda'a Dilava kevanai, Dilava ani beasi kevakeva muiai ,oni siavana kaumu imamu bova makamaka mai melo nuamui otoina sia bova luala. ⁹ Oi bolaloto mai bonua anana, bokakani,bovilalo keini,emui lalonama eva ana'anai oi bova'aoa. ¹⁰ Oni sibomu va manau vakaia Dilava oni beabimu isi. ¹¹ Kau ka kadia'ana eluva venita siasia,mai talavatu luvata sia eluvai kavei.Oi eva sibomui talavatu ivakomolonai oi boa'ao. ¹² Dilava mo ka'onamo sibona talavatu ivakomolona ,mai be vaiasiasia beia vali maulina.Oni eva kevamu kauna oi boma vakomoloa. ¹³ Oi lele oi 'ika vaida odiaka valiu mala eka da'a[ tauni] namanai vikauka ekamia ,eka tavatava mai [monita] eka vabou. ¹⁴ Oni sia oikabasi mala melalana maulina eva dava bepulu.Eta mauli eva kuku kania boina valiumo vaitabu bela'asi mai valiumo betaule. ¹⁵ Itani oi Dilava ena ula lalovaitai boma mia. ¹⁶ Oni vaka siboumu ova nama'inamu, apavai lalovai boutai eva diabolo. ¹⁷ Bema kau ka koakoa mediata ivaikata eikabasi,dai sia evavai koanai ia eva siava kauna.