¹ Oi sia douta boasi vamalele,Dilava luvana bova malele.Au'u mai kadi'u oi boikabasi kai vaida ivakomolota ,Dilava eta mauli kaka beika. ² Ita eva vaeva dalata doutamo , bema kau ka sia vaeva luvata bevaivai , ia momoai kauna kauanina bounai e'i mala. ³ Ita valiu osiai no kanea divo vutuna leleta beika .ITta eka vakomolota kauanita bounai. ⁴ Lonsi bolovaia, lonsi eva ia dava namana ka,valea kula ilana beabia beda'a keia kadena kauna lonsi ekalia .Kali kikina eiloa lonsi beda'a abu eula venia ⁵ Malata eva kauanitai abuna kikina ka , ia sibona eabia isi dava namana vitaitana alova kikina evu vule, ia au namana bema ani. ⁶ Malata vitaitanaalova ia abuna ka kauanitai ia eikabasi koa edeata edeata. ⁷ Kau la'uka sisita deavita mai luva devaikata ia leleta manumanu mai sisi kanobatai demimia , atu venunai sisita. ⁸ Keia malata sia mediana sia eka ola vaita. Mulamula si'avata devavonu kau deva bata ⁹ Ita malatai ia vana namana eka abia isi . K amata Dilava Kamata malatai ita luva siavata. Kau vaida kava si'avanata ,Dilava ia evavai ia vauana. ¹⁰ Nututa umaunai,ela asi Ita Dilava vana eka abia isi.Luva si'avata vaida a'a'u dava katania boita sia bema pulu. ¹¹ Sia vei ulina kaonamo bema asi'i,vei madiana mai atu veina itana. ¹² Lau au'u bediaka suke auna nakuna olive bema vapulua alalova au kukuana suke bema bapulua, kanaua boinai atu veina sia bedaia beasi vei mediana. ¹³ Dai oi viloamui ai lalovai mediata mai ia eikabasi kauna oi bovikania,vinaula koa eva lasi lalovai mediata ia sibona eva ovua. ¹⁴ Oni nuamu sia beanana , kau vaida oni sibomu bolalovamu nuamuai eva mediana . Oni sibomu sia boabimu isi, oi dede kaumui. ¹⁵ Lalovai kanania sia mediana vutuvutuai easi , lalovai kanania eva makava nua ana'ita lauma siavata eva Diavolo. ¹⁶ Kau ia denua ana ana vaida eta davai sibota eta lalovai eva etaule, mai koakoa siavata devavai. ¹⁷ Lalovai mediana vutuvutuai easi ena ama'ina mai mediata umauna, nama'inai evonu vilalo ianina kulailana. ¹⁸ Kau maino ianina bevadoa koakoa komolota nuata lalonai