¹ Iesu Keriso ena vara revarevana binai, Ia na Davida natuna, Aberahamo natuna. ² Aberahamo ese Isa'ako e havaraia, Isa'ako ese Iakobo e havaraia, Iakobo ese Iuda mai tadina ida e havaradia, ³ Iuda ese Perese bona Sera e havaradia, Tamara bogana ai; Perese ese Heseroma e havaraia; Heseroma ese Ram e havaraia; ⁴ Ram ese Aminadab e havaraia; Aminadab ese Nason e havaraia; Nason ese Salmon e havaraia; ⁵ Salmon ese Boa e havaraia, Rahaba bogana ai; Boa ese Obed e havaraia, Ruta bogana ai; Obed ese Iese e havaraia; ⁶ Iese ese Davida, hanua pavapavana, e havaraia. Davida ese Solomona e havaraia, Uria adavana bogana ai; ⁷ Solomona ese Rehoboam e havaraia; Rehoboam ese Abia e havaraia; Abia ese Asa e havaraia; ⁸ Asa ese Iehosafat e havaraia; Iehosafat ese Ioram e havraia; Ioram ese Usia e havaraia; ⁹ Usia ese Iotam e havaraia; Iotam ese Ahasa e havaraia; Ahasa ese Hesekia e havaraia; ¹⁰ Hesekia ese Manase e havaraia; Manase ese Amon e havaraia; Amon ese Iosia e havaraia; ¹¹ Iosia ese Iekonia mai tadina ida e havaradia, Babulonia e laohaidia negana ai. ¹² Babulonia e lao haidia murinai, Iekonia ese Sealtiele e havaraia; Sealtiele ese Serubabele e havaria; ¹³ Serubabele ese Abiud e havaraia; Abiud ese Eliakam e havaraia; Eliakam ese Asoro e havaraia; ¹⁴ Asoro ese Sadok e havaraia; Sadok ese Akim e havaraia; Akim ese Eliud e havaraia; ¹⁵ Eliud ese Eleasara e havaraia; Eleasara ese Matan e havaraia; Matan ese Iakobo e havaraia; ¹⁶ Iakobo ese Iosepa, Maria adavana, e havaraia; Maria ena amo Iesu, e gwauraia Keriso, e vara. ¹⁷ Una dainai, uru iboudiai Aberahamo ena amo ema bona Davida be uru gwauta-hani; bona Davida ena amo ema bona Babulonia e laohaidia negana be uru gwauta-hani; bona Babulonia amo e laohaidia negana amo ema bona Keriso be uru gwauta-hani. ¹⁸ Iesu Keriso na ini e vara toma, ia sinana, Maria, na Iosepa e maohenia, to raruosi do asie geda bou, Lauma Helaga ese mero e henia. ¹⁹ A adavana, Iosepa, na kara maoromaoro tauna bona hahine ihahemaraina se ura, una dainai baine hahekohoa hehuni-hehuni eto. ²⁰ Lalona unu e hadaia tomava ai, Lohiabada ena aneru ta ese nihi ai e hahedinarai henia, eto, "Iosepa, Davida natuna e, adavamu Maria iabidaena garina basio gari, badina be Lauma Helaga ese mero vada e henia. ²¹ Ia na baine mara mero baine abia, ladana ba hatoa IESU; badina be ia ese ena bese taudia edia kara dika amo baine hamauridia. ²² Ini gau iboudiai e vara Lohiabada ese peroveta tauna uduna amo e gwauraia herevana ihamomokanina, eto, ²³ A itaia, haneulato ta baine rogorogo natuna baine havaraia mero ta, bona ladana ba hatoa Immanuela"- anina be, "Dirava na ita dekedekedai." ²⁴ Bena Iosepa na mahuta amo e noga bena Lohiabada ena aneru ese e hagania hegeregerena e karaia. Adavana eabia dae. ²⁵ To ia ida asie geda bou ela bona natuna eabia. Bena ladana e hatoa Iesu. Translated by RDKH. Ori. C. Kohu on 30/12/22, on the IPAD ready for quality checking.