¹ Lalokau, ina hari na revareva iharuana name tore henimui. Raruosi Laodikea lalona amo emai laia. ² Oi ese guna herevadia helaga peroveta taudia eme heni lalona amo be hedinarai, eda Lohiabada bona Hahemauri Tauna ena helaga Aposetolo amo. ³ Badiba guna, A hahedika taudia dina dokidia ai ema. Namo bae kirilaidia bena, kara havara bae ura dika laia. ⁴ idia be eto, "Eme gwauhamata ia be loumaimu be edekahna? Badina Sene Tama mai e mauta oho, gau iboudiai doini mimia Guba bona Tanobada ikaradia matmana neganai. ⁵ Idia na ura dika ai eme laloa-boio, guba gaudia na idau negai mimia, bona tanobada ranu amo e karaia Dirava ena hereva ai. ⁶ Bona ina gau amo, tanobada una neganai eme hadarerea abata ranuna amo. ⁷ To hari guba bona tanobada be e nari lahi amo e hagania. Hahemaoro dinana e naria bona kara havara taudia bae hadikadia rohoroho. ⁸ Egu lalokau taumui e, ina hereva tamona basio laloa boio, Lohiabada enai dina tamona na lagani daha na heto, bona lagani daha na dina tamona na heto. ⁹ Lohiabada na ena gwauhamata ihamomokanina ai se halahemu, haida e laloamu na heto to e haheauka henimuimu badina ia na seuramu ta baine mase e uramu iboumui ai ba helalokerehai. ¹⁰ A Lohiabada ena dina baine kau henao tauna na heto una dina ai guba baine puki mai rege-badana ida gau iboudiai na siahu badana ese baine havevedia tanobada danu mai anina idoinai ida lahi ese baine araia ore. ¹¹ Benaini ini gau iboudiai unu bema ore toma umui be ede boma kara toma? Emui kara iboudiai bema helaga Dirava boma badinaia. ¹² Dirava ena dina ena mai ba nari bona ba kahaia una dina ai lahi ese guba baine araia ore bona siahu-badana ese gau iboudiai baine havevedia. ¹³ Ita na guba matamatana bona tanobada matamatana ena gwauhamata hegeregerena ta narimu; kara maoromaoro taudia ese bae noholaia. ¹⁴ Una dainai, egu lalokau taumui e, ini gau o narimu dainai ba goada balaheni hedaro-bouboumui ai baine davarimui asi toutoumui bona asi kereremui ia vairanai. ¹⁵ Lohiabada ena haheauka ba haeroa una na hahemauri gauna varavara-dosida Paulo ese e henia aonegana amo e tore henimui hegeregerena. ¹⁶ Ena revareva iboudiai lalodiai ini gau na unu e torelai toma. E tore herevadia haida anidia idavaridia na auka bena mata-lahui bona daradara tauna ese e hagagevamu revareva helagadia haida e hagagevamu hegeregerena sibodia ihadikadia gaudia ai e halaomu. ¹⁷ Egu lalokau taumui e, vada o diba guna una dainai nahuamui ba toho kara havara taudia edia kerere ese baine hakaumui siri na garina emui gini tutuka-tutuka amo ba keto na garina. ¹⁸ A eda Lohiabada bona eda Hahemauri Tauna Iesu Keriso ena harihari-bada bona ena lalo-diari ai ba tubu daga dae. Hairai na iena, hari ela hanaihanai. Amen.