¹ To koikoi PerovetaTaudia danu taunimanima ediai ema, hegeregerena hahediba koikoi taudia emui ai baema. Idia ese e hunia dika rohoroho be mai laidia bona Lohiabada basie gwauraia eme abidia kahi. Idia sibodia dika rohoroho latadiai e heato kaumu. ² Momo be edia koikoi herevadia muridiai bae raka, bena idia ese momokani dalana dikai be halaoamu. ³ Edia ura dika dia namo ai be ha kereremu hereva koikoi ai. ⁴ Dirava ese e kara havara anerudia na se bogadia hisi. To e negedia guba henunai, e seini dia dibura lalonai hahemaoro dinana e nariamu. ⁵ Bona ia ese bese gunana danu se bogaia hisi, Noah mo, kara maoromaoro iharorolaina tauna, mai bamona hahitousi ida, e hamauridia. ⁶ Bona Sodoma bona Gomora danu e habuadia tari, kahu ai e halaodia. Ina na matahakani daidia gabe ai Dirava garina basie gari taudia ediai. ⁷ A Ia ese Lota na kara maoromaoro dainai e hamauria, ia na lalona e hesikiu kara dika taudia edia lebulebu karadia daidiai. ⁸ Ia na kara maoromaoro tauna, idia padadiai e nohova dina iboudiai edia kara havara e itava e kamonaiva dainai ia lalona e hisihisiva. ⁹ Benaini Lohiabada na mai dibana Dirava ena tau hedibagani lalona amo baine hamauria diba, a kara dika taudia baine guidia diba ela bona hahemaoro dinana. ¹⁰ To ina na momokani daidia tauani ena ura dikadia e karamu bona gwau maoro taudia e dadaraidia taudia. E hekokorokumu, sibodia edia ura e karamu, atai taudia i'hiraidia asie garimu. ¹¹ To aneru ena be mai goadadia bona siahu herea to unu atai taudia asie habadelaidia Lohiabada vairanai. ¹² To idia na boroma asi lalodia be dogodia bona be ha-mase diamu. Hegeregerenai se laloparara lai gaudia ududia amo eha-dikadia. ¹³ Ahu dia bae abi edia kara dika amo. E lalomu taga dinanai e moalemu. Edia na toutou eiava bero na heto. Umui ida o aniani heboumu negadiai danu e aniani lalo-dikamu. ¹⁴ Matadia na heudahanai ai e honuhonu dae, bona kara dika ai asie hesikumu. lalo-manoka taudia e idoadiamu, mata-ganigani karadia ai vada e manada. Idia na dika natuna! ¹⁵ Idia na dala maoromaorona vada e rakatania bona e boio Balaam Beor natuna, murinai e rakamu kara dika davana iabina urana e uramu. ¹⁶ A ena kerere dainai e sisiba henia - doniki taunimanima gadodia ai una peroveta tauna e hereva henia ena kavakava e gwaua tubu. ¹⁷ Ini taunimanima na ranu guridia kororodia na heto bona kahu lai ese e odaia isi na heto. Dibura masemase gabuna vada e seua, idia edia. ¹⁸ Badina e hereva kavamu. E heagi kavamu kara kerere taudia edia amo e roho maurimu taudia e idoadiamu tau-anina ena hegahusi bona ena mata dika amo. ¹⁹ Ura kwalimu bae henidia e tomamu to idia sibodia na mase ena igui taudia badina be darere tauna na kwalimu tauna ena hesiai ai bainela. ²⁰ Badina be Lohiabada bona Hahemauri Tauna Iesu Keriso dibadia murina tanobada ena miro gaudia amo vada e roho mauri taudia na unu miro gaudia ese ma bae idoadia lou bona bae hadareredia, madi edia dika gunana na maragi edia dika gabena na baine bada. ²¹ Idia na dala maoromaorona basiema diba bema namo a dibadia bena e henidia haheganina helagana amo e raka oho na dika. ²² Hereva hegeregerena na idia ediai vada eme momokani eto sisia be ena mumuta e lou heniamu bona boroma be bae huria to kopukpou ai baine hekui-hekui lou.