¹ Una na matamana amo - ta kamonai, matada amo ta-itaiamu, ta raraiamu bona imadai ta dogodia, una na Dirava ena mauri herevana. ² Una danu mauri na eha-hedinaraiamu. Bona ta itaiamu bona ta hamomokaniamu aina a haripiumu umui emui ai ina na mauri hanaihanai una na tamada ida bona una na ita edai e hedinaraimu. ³ Una na ita ese ta itaiamu bona ta kamonai, ai ese aha-momokaniamu umui danu, bena umui danu, ina ekalesia hegogo na lalonai umui danu. Una dainai ita eda hegogona Tamana, Natuna, Iesu Kerios. ⁴ Ina danu ai na ini gau a toremu umui emui, una ai emai moale na baine guguru. ⁵ Ina na sivarai ai ese a kamonai ia ena amo bona ai ese a haripiulaiamu, umui emui ai Dirava na diari, bona ia lalonai dibura ta lasi vaitani. ⁶ Bema ita baita ato, ita na ia ida ekalesia hegogona lalonai bona dibura ai ta rakamu, ita na ta koikoimu bona hereva momokani na asi ta hetoholaiamu. ⁷ To bema ita na diari ai baita raka, ia hegeregerena, ia na diari ita ekalesia hegogona lalonai bona Iesu ia natuna rarana ese eda dika iboudiai baine hagoevadia. ⁸ Bema ita na baita ato ita na asi eda dika, ita na siboda ta hahedikamu bona hereva momokani na dia lalodai. ⁹ To bema ita na eda dika baita gwaurai hedinarai, ia na momokani bona maoromaoro eda dika baine hagoevadia eda kara gagevagageva dia amo. ¹⁰ To bema ita baita ato ita na asi ta kara dikamu, ita na ia na koikoi tauna ai ta halaoamu, bona ia ena hereva na dia ita lalodai. Translator: Mr. Kamea Andrew Tau. Completed on Monday (26/06/23), Time: 9.00 am, ready for quality checking.