2 Timoti chapta oaido.
1
Pua jina anemai aidama,palongo anguangu aniangoga.
2
Aumanga epotsimo anitsi nagiani monimo anina nagiani,nagiainakau, nagelabau,nagebiponge inatsi amatsi ainatsi napaigiongo,aomapu anega napaigangu belo.
3
Obola belo aibaia aidama ebokai belo naidemia,nagabiponge,epoka naigatsimaika aidama belo naigagaba ke belo anina naigani.
4
Abala gagaba aidama Deo anina aigani gai angopaka mo kamutsi anitsi nagani.
5
Deo, nga nguangai nagiangu gai nage buniaina ngabuo ngaea babjiautsi poboalai.
6
Ngaea aongai gegogo babjiautsi aunga kamu abalatsi matsi anegaiabua,Angopaka mo kamutsi nageapi malaina.
7
Anuida gai oabi goa aunga napaidolongo.
8
Ngaia laonga mainai Jannes ngaegai Jambres Moses aina aigeongonia buo oabi goa aunga aige bagoania genganga bai bagoa ketsiai aidega.
9
Naigiangu ebo naidegagama nga ngome ida tsia abala gainai.
10
Nga buo Iji iaba malele gainai ogai obagoania nguaniai apibunga oapibu.
11
Giapsia balaniau,apibuai,ngaegai gagaba Antioch,ke Iconium ngaegai Lystrai engama aunga bai aibaia ebamia.
12
Agaimo Deo nganguanguai ke Iesu po emia aunga nagiaubunga.
13
Babjiau abalatsi aunga nagio nagelipu alongai,epotsi nagepongetsi ke aumanga gaea idatsi nagepongetsi ke engaea gaba aniaoainitsi aneba lipuitsi.
14
Gai oai aunga,goa olongo mo pobagoania.Polongo agai aunga oi mabamalele aunga.
15
Nga buo, bebelamai mabagoa Iesu kristo kengai ponge aidama Iesu oi anebalangainio longo maua ngaegai angubangai maunina anebinio.
16
Deo ngaoabi ngagae ngaba malele makoai aunga belo,ke aneba langai nika goamo nagaoabina ke abala aunga naigaoabina.
17
Nga buo Deo ngaumanga aunga kabula ketsiai anega ida ngabinaunga anegaba.