¹ Oi nga buo,Iji ngau,nguani kabulanga Iesu kristo kengai poapsia. ² Gagabamo Iji keuai akotsi ongo aunga,aumangakabula pobinitsi ke ida aumanga makoai ainama ponga matsiai pegino ngonia. ³ Ida po pamia paungai pajiejie,ke Iesu kristo ngabibaini auka pamia. ⁴ agaimo Ida nga binaunga aidegaba aidama,anengoaina ngabalangaina anema. ⁵ ngaigae, agaimo Ida aina gainai aidegai,anguangungai aijiangu aunga belo naijida. ⁶ Ebinaunga kabula aunga Ida awa belo Deo kengai aniapsia. ⁷ Gagaba ioabina aunga pobolanga,ke kamu mako obolanga aunga lobjia anebinio. ⁸ Pobolanga Iesu Kristo,Ngamae ke maunimue pou paobolanga David's nga buanga ke ida ngaoa bjiai, ⁹ Deo ngaoabi ainongonia jiejie nga abakaua ikobonga kelele.Au goa imau elokania gaimo Deo ngaoabi aunga aide tsipula. ¹⁰ Ngabuo abagoania agai ajina anga aunga Iesu Kristo kengai mauni bangai apunga nagaida.Oabi namo aunga goanga. ¹¹ Oabi namo aunga abagoania;Agaimo Ida pou nagamai aidama,epo naga maunimue bu. ¹² Ika naga jiejie aidama,Ida apu belo anebinika .Ke ika Deo nagabungeaina aidama, ika gaea ane bungiainika. ¹³ Ika aoka goangai aibaia aidama ida gaeake naide bagoania,ngome ida epo aideponge. ¹⁴ Kamu namo paobolanitsi.Deo ngaoabi angai paigea gegua.Ngaea aunga belo aibaia.Gai ida aina giongo autsi aneba lipuitsi. ¹⁵ Pokabula Deo kengai poangu poba goania.nga binaunga paido miangai aina pogaba belo goangaimo pogaba. ¹⁶ Gai Deo ibauma aibaia ngaegai oabi angetsi Deo kengai ano boalai gabatsi autsi ketsiai poboalai. ¹⁷ Ida tsia oabi aunga gua goa ikobonga anio maua anemia.ngaea autsi aunga ikobonga Hymenaeus ngaegai Philetus. ¹⁸ Oabi goa aunga geabongaina bagoa autsi gepongetsi gioabi ,ida ge maunimue epua gema. ¹⁹ Gai Deo nga oabi angoga buo naidengumai,ngaeagai oabi namo aunga ngae gebabua.Deo elongo agai ida abunga ngaegai,agai ioabi ida abunga ema aunga kamu abalatsi makoai poabogaina. ²⁰ Ke ida ngaeka ,aongai aunga litsi ngaegai tapu ikuina ikuina ida gold ngaegai silver gaimo ida aunga au ngaegai katsia,ngaegai ida aunga abaotsi ke ida aunga bebelatsi. ²¹ Nga buo agai aonga engangaina aidama ida maua anemia.Deo nga binaunga belotsi anegaba. ²² Abala laonga maitsi pama bongainitsi gai,Laomai belo kabulanga,bagoa,nguani ngaegai ngapengape ngaea gai nguaka oma belongai gaunga peba langainika. ²³ Labau ngaegai ainapua ketsiai poboalai ngome ida agegua gebangama. ²⁴ Gai Lobjia nga babjiau aunga paiga gegua. gai aumanga makoai panga petsi,laomai belotsi paba malelenitsi. ²⁵ Ngangao auma nga Deo geba lipua autsi poba malelenitsi ke ngagoa Deo ida nguatsi aniania tsia abala aibaia pebamia ke oai maoabi pege bagoania. ²⁶ Ngaea gai minotsi aneme anemai,Tsiapolo kengai geangu aunga inaga boalai nagemai Iesu kengai.