2 Timoti chapta alakaongamo.
1
Paulo,Iesu Kristo nga apostolo emia Deo aina gainai egai.Iesu Kristo nga mauni obagoania aunga gainai pogai.
2
Ke Timothy,ngau angai;ngauani, ngapengape, ke nga ngangao ama Deo ke ngaunga Iesu Kristo ka lobjia.
3
Iji iao engama Deo kengai,ia binaunga agababelo,ia mengamenga aotsiai jina ngabi aobolanimi aidepua.
4
Mia igegeai iji aobolanimi,maidongaimi aoma,ke iji iao ane ngama.
5
Iji oai mia bagoai abaobolanimi,ke oai goangu gagau aongai oai opuma babjienga Lois ke inama Eunice,ke iji ia bagoa kabula oai gaea kemai anega.
6
Engaea buongai iji abaobolanimi mia bagoa Deo kengai ponge aidama ima amai anionge.
7
Goa ika Deo aigabagoania aidamangai Spiritu santonga aokai napaide binaunga,enga buo kabula aongamanga kekai pega.
8
Nga buongai Lobjia nga oabi paiga miangai aina,ke iji Paulo,ida nga tsipula aunga.Deo ngaiabuai ida nga jiejie oabina alaka alaka mangai paoabina.
9
Ngae aunga Deo ika iangamaunika ke aonga belongai ika iuanika.namo egabaia aunga ika binaungai aibaia gai ida nga longo ke nguaniai.kamu namo ebinika aunga Iesu Kristo uainangai ke bai jina aoniamo.
10
Enga buo Deo apu abalangai ebaboalaiau ke Iesu Kristo iangamaunika aunga e goa.Ida kristo angopaka puangai mae iongea ngaegai mauni mamo eaeanga Ida ngaoabjiai iongea.
11
Engaea buongai ajinanga Iji aunau ponga psioabina,Iji muniuai peboa,ke aunau ponga psioabina aoma.
12
Engaea gainai Iji gaea kamu namo pautsiai anajiejie.gaimo Iji alongo naida biponge, ngome alongo Ida abagoania.Iji iao ebagaia ke akabula nga jinangai Ida muninai aboa.
13
Engaea bagoa ganga ganga oabina ako Iji keuai ongo aunga bagoai aongamai Iesu Kristo agangai.
14
Kamu belotsi Deo oai kemai egabaitsi aunga,Deo Idangenga belo aokai psiangu.
15
Oi olongo Asia babjiautsi makoai Iji keuai geboalai.Engaea igubunga aongai aunga Phygelus ngaegai Hermogenes.
16
Deo Onesiphorus ajina anga pou ebango betsi ngome Ida aupajina Deo geaua pangaina aga maua gebamia buo.
17
Gai, iomo Romai,aidama iji idabungai niau elobe io egabulaiau.
18
Nga jinangai Lobjia Ida ebagoania ngangao ebinia ngaegai oi olongo belo Ephesus, aongai iji keuai gagaba egabaia.