² Nega aubougi ge noki yai dainehe Dirava mage gaha ni imimive uhurehe. ³ Noki ya anageva ni Dirava ve renu ni Mame vagotenehe, yai gabidadama meve, renu mageve, ya uhu berebe renu hero kiare ni Rohi ve Iesu Keriso dainehe. ⁴ Di ogo nanuhea, Dirava yai gahara vare dainehe ge, auki ya ihiro gevenu, ⁵ badivara ni hari magevara beta gavagu gera, eduge hedo katera, Horu Aena uhurehe, renu narinari vara magera. Guma kobuga ei, yaka dibanara nona orena kiki koitava yabenu no yaruga uiegei. ⁶ Yakamu noruta Rohi Bauge itahe ogia, badivara yakamu ga aena manu, hegiri raho ruta Horu Aena seni. ⁷ E dainehe, yaka Macedonia renu Achaia gahaya, ga riaga gahare, yau nagatera. ⁸ Yaige, Rohi Bauge gare raki riaga goinu , beta Macedonia renu Achaia uhurehe gu, eduge yai gabidadamave Dirava gasina ramu mata inuhati edavanu. E dainehe noka beta iagabe mati rorovara. ⁹ Yaukamu ni gare ragoha, no yau ruga maguri ragohege uhura, eige ya guma daure garehi Dirava riaga meve kiare ra, badivara rahora, ¹⁰ renu au Moe hogeva maguri gahane-ororove nariva, Iesu, unuhuna no maguri gahigevene.