¹ Isa isa'aku ema ia kanobagana e-gaga'ava, isada mai ega ruma Diravana abananai. Rumana a'anana da kau da geugu ge'abia, ko basileianai emia. ² I'inana isa'i ivararo vaisa isa'i vavaia a'a gubunada a'adin isa gana basileiana. ³ Isa vavaia ana isa'i da mai obu-obuga a'adin. ⁴ Momoai ia gubunana kavavai ana ge-sina'a roava a'adina. Naida iba'oava mai obuobumai vimia. Ko gubunada a'adada vivavaida, ema raumada gaga'adada emai mauri da eda koida ko da eda idai. ⁵ Diravana eogu rumana'ana eabia vaisa, Rauma Kapukapu na gubunada a'adin, gava gaga'ada ve-avinia'a. ⁶ Ko isa raona, ema siboga kamia, ana Ovia Baga na da abaganai. ⁷ Badina abi-veninai kamia ro'ava, da ega vi'o-vi'onai. ⁸ Ko ka-isa'aku aiai, ema kanobagada mauridada isa rui'a ana isada Ovia Bagana abananai. ⁹ Ana ounanai a'adina isa vavai'a ro'ava, ema vanuanai kamia e kara'asi ko viva-ra'aua. ¹⁰ ko ibougana Keriso na ve-ogu veva-vagaiga, inoku kaka-kaka isa isa'aku gavada ka vavai ro'ava a'adada nonoa e gaga'a. ¹¹ Badina Ovia Bagana imekauaina ro'ava, kauda ivaonda ro'ava. Gavaka ivavai ro'ava ana Diravana eisania ovinai ro'ava. A'ura ramuida vu kaurida ovinava. ¹² Da vivaonimui va'iro mai vuisanimai isa'i Diravana ena paurada kaudada. Ko ve'o naida ivavaia'ana vu ra'auainimai, mai vuisa'aku a'a kauda a'a ge-po'upo'u ro'ava mai a'a ukomomoaidadai gekumua ro'a ¹³ Mai ema ega rada ge-ku'ava, ana Diravana ounanai; mai ema ra-ganai kapaura, ana sibo-ragana. ¹⁴ Badina Kerisona ena raga'ena komea abaganai: ouganai ege'o.mai ero iboudadai gegeova. ¹⁵ Ouganai egeova, ounanai kauda eda rasia ro'ava badinana oudadai egeova ¹⁶ A'adina ounanai, agana egana ana kauda isa vagaida da kauda kavagai ro'ava a'adin, Kerisona ena gereana. Ko agana da a'adina kakaro'ava. ¹⁷ Ema kauna ka Kerisona abananai emia, ianai e-makamaka, vavaida avaidada ai gegana, makamakadada ai gemai. ¹⁸ Ia gavada boudadai a'adada Diravana abananai. Iana eogu Kerisona evavaiga kamai kamia kapea, mai ministiri na eveniga a'ana isa mia kapea. ¹⁹ A'adina ounanai Dirava na eogu kano bagana eva kapea badidina Keriso na ounanai. Eda vavai gaga'ada da eva'auda. Iana eogu mia-kapea na maurinana eruia abagana. ²⁰ Ana ounanai Keriso na eogu esieimaiva, isa'i Dirava na vevavai a'ana naida iogu ena maorada ivararova. Ana ounanai inoninimuiva Kerisona ounanai. "Vumia kapea Diravana abanana!" ²¹ Iana eogu Kerisona ge-akuna ega vavai gaga'ada oudadai. Ianano vavaina gaga'a-anana da ka evavai'a. Ia'adina eogu ounanai isa da ero ara vavai gaga'ada da isa vavai Diravana ena Gere'ana.