¹ A-adina ounanai,ia ministiri-na ka-abia mai idainana maka nuavi na ka-abia,da isa vagaurea. ² Idainana vai-unini da mai maridida gereada isa vaeroda.Isada kanobaga-na gavanana dakamauri ainava,mai Diravana ena maorana diva-gaga'ava,maora-momoaida gaidada isa vara'asiga kau-da arodadai,Diravana aronanai. ³ Ema ega gospol na da momoai,iana da momoai a'a geoda abadadai. ⁴ Iada kaivananai,ia kanobagana na diravadada radada eva gaga'ada.A'adina ounanai ,diravana ena maorana airara-nana da geisanava,a'anana diravana orenana. ⁵ Sibo imaganai da kava -ra'asigava,ko Iesu kerisona iana oviana,isada siboga Iesuna ena paurada kaudada,iana ounanai. ⁶ Diravana sibona eouraro,"airarana vaburanai vera'asi."Iana airarana isada ukoga-da'aodadai,aonegana airaranana diravana ena ragaenai Iesu keriso-na abananai. ⁷ ko gavanonoada isada aoganai gemiava isai urona aonanai,ai eva airaraga,siau da boudadai a'anana diravana enada da isada egada. ⁸ abuda boudadai igananda a'adada mai nu'unu'u-da,ko da ivaida'asi.Ramaida da-geve-au meorova ko da irau. ⁹ Geva gaga'amai ko diravana de ruimai-ko .Ge-karaimai ko da ibero. ¹⁰ Agoda boudadai Iesuna ena geona ukomainai ,a'adina ounanai Iesuna ena maurina aomainai vemia. ¹¹ Isada maurida kaugada Iesuna ena geona kauanigana ao-nanai kauasia kaebo-ainava,ounanai Iesuna ena maurina vera'asi meoro kauanigana aodadai. ¹² ounanai geona aomainai e-paurava,ko maurinai eh paurava aomunai. ¹³ Ko abivenina raumanana be kapea,revarevanai :"a'abiveniva,ana ounanai avararoava."Naida ero ia-biveniva,ounanai iva-raroava. ¹⁴ Badina isa'aku ema gai Iesuna veabira'ania kaunana naidaero veabira'animai Iesuna osidi aronanai. ¹⁵ gavada boudadai a'ananai oumuinai,isai emu nonoana era'asi kauda irau abadadai,ivanonoana komeana vegana diravana ena yura-venina ounanai. ¹⁶ Ana ounanai da isa nu'u'nuu, ema apugana egaga'a eganava, ko aogana ve makamaka agoda boudadai. ¹⁷ Ia orana aonanai, sina'ada mai nu'unu'da maraimarai-dada geogu geva ira'aga ia airarana komeana na mai,miavanai-vanai, gaga'aveona badina isada gavada kaisa gavadada kavioridava,ko da kaisa gava'a-dada da kavioridava-gavada da isa-isa gavadada a'ada- da mia vanai-vanai da gava-dada, ko da isaisa gavada da mia vanai-vanai'ida gavadada. ''diravana e'ourarova gavada gaga-adada davuabiko,ana vauraveni-mui. ¹⁸ Nana auamui-nai va'ao ui-da naku'u-nai vu'ao, '' Dirava na eh ouraro.