¹ Ana ounanai ara da va'ero va'iro vavasi ema mai nu'u-nu'u-u. ² Ema nu'u-nu'u da avenimuiva, gai ve'ogu veva ra'au'uva ko a'a ava-nu'unu'uda a'adada e? ³ Arere isa'i avavai badina ema avasiva a'ana da vuva gaga'uva ko vuva ra'au'u. Nana aisa'aku vaisa, nana e'u ra'auna uida osidi idai-idai. ⁴ Ao'una mai nu'u-nu'una arere venimuiva. Da a'ura uida vu aonu'unu'u ko a'ura vuisa'aku, aeadi a-ragae'ainimuiva. ⁵ Ema ka evavai gaga'a, da sibo'u aba'unai evavaiva ko ana evanai ko da evasiva abamuinai. ⁶ Ko a'a kau-na'ana kauda iboudadai eda nu'unu'uda ve-abi. ⁷ Ko agana ema kauda geva-gaga'ova, vo vairearea inoku aonana veira'a. A'adina vokava inoku da ao'nu'unu'unai eda mia. ⁸ Ana ounanai avaonimuiva emui ragaena abanana ana kauda iboudadai vu-vaonda. ⁹ Ana ia'adinana ounanai arereva, inoku vava-ira'amuiva mai vaisa'aku u-maura'ono ro'ava. ¹⁰ Ema kauda eda kerereda vovairearea, nana ero vavairearea. Kerere gavaka avairearea-venava, ema kerere da vaida avairearea, onina oumunai kerere a'adada avairearea Keriso na abananai. ¹¹ Ia'adina vokava ana Diaborona da verebani-ova. Badina da kaisa'aku gavaka vevavai'a. ¹² Ovia Baga na agena ka eke'ona aba'unai a'a amaiva Troasnai a'ana Keriso na ena maorana va'iroroai. ¹³ Ko ao'una da enonoava, badina e'u sinae-kapeana Taitus na a'aena da agavaria. Ana ounanai aruida inoku a-ero agana Masedonianai. ¹⁴ Ko Diravana isa vanonoa, Keriso na abananai e unauna-ainimai ro'ava. Naida i-ogu ena aonegada abu da boudadai ivararo ro'ava. ¹⁵ Badina naida Diravana, Kerisona ena maga'a nonoada, kau maurida mai kau geoda evo-dadai. ¹⁶ A'a kauda gegeodo-geodo a'ada maga'ana isa'i geoda maga'adada. Mauri gemia kaudada ana mauri da maga'adada. Gai veogu vevavai? ¹⁷ Ko naida da isa'i kauda vaida Diravana ena maora poropedida gevavai ro'ava a'adina. Ko naida gavana da ka irasa ro'ava, Kerisona ivararoa ro'ava, Diravana esieimai ro'ava, Diravana aronanai.