¹ Pol na, iana Iesu Kerisona ena vaisi-vaisi na kaunana ka Diravana ena-uranai, mai ega sinae-kapea na Timotina, Diravana ena-ro'ena Korinto nai mai ena abi-venida kaudada iboudadai Akaia na kano-baganana ibounanai. ² Diravana Auagana mai ega Ovia-Bagana Iesu Kerisona eda iura-venina mai mainona e'vasi iboumui abamuinai ³ Iesu kerisona au'anana Diravana aga-nana ve-vai abi-ra'a. Iana maka-nuavina mai vaira'a-vaira'a na Diravana. ⁴ Diravana eva-ira'aga roa'ava ega vaira'asida agodada. Goaegada isa-va'ira'ada isa-i Diravana eva ira'aga roava a'adina. ⁵ Isa'i a'a Kerisona nu'u-nu'uda eabi ou-ga'nai.mai ega va-ira'a va-ira'a keriso na aba-nanai. ⁶ Ko ema naida kererena ka ao-nanai imiava emui va-ira'a-nai mai duru-duru nai.ko ema geva ira'a-muuva anaemui va-ira'a va-irana ounanai. Emui vaira'a-vaira'a mauri-nana a'ana ve-paura ovina.ema vu-na'edomui inoku sina'ada isa u'a bou-bou isa'i uida ero sina'ana kapea ka-u'ava. ⁷ Emai ra'da abamuina da vi-va'egeava badina naida i-sa'aku ema sina'ada ka u'a bou bou.ana emai va-ira'a va-ira'ada vu-abi ero. ⁸ Badina nai-da iu-ra uida ero vuisa'aku. Sinae-kapea'uda boumuinai,a'a kerereda Esia nai i-abi a'a-dada kerereda ege-boiodada ounanai ira i'sia emai maurioa ai eda kua. ⁹ Momoai vagai-nai gesiava eda akunimai.ko,naida da sibomai ira'asimaiva,ko,Dirava-na irasia,badina ia nano kau-geoda veva-ko'oreda diba. ¹⁰ Nou ge-akunimai ko iana-eugu eva -ra'asimai,ema gava gaga'ada vaida eda ka ana veva-ra'asimai va-i'iro iva momoai ro'ava badina veva-ra'asimai va'iro. ¹¹ Ia'adina evavai ro'ava badina emui gurigurida aodada.urasimai ro'ava.A'a gruigruida mai iurauenida vavaidada oumainai uvavai ro'ava ana kauda eda ogu eda va'nonoada. ¹² Naida ira'auva; Badina emai ra'da iboudadai Diravana ena uranai mai ena kapu-kapunai ivavai i'a kanobagana aonanai, da sibomai ko Diravana ena iura-veninai. ¹³ I-rere venimuiva.vuva'aua ana oa vuvaireani,an'nana vu-abia, aisa'aku ¹⁴ badinana buka da vaida arerenda ana uisa'akunda ounanai, ko aurava andada vu-abida ovinai, inoku ega ovia bagana Iesu na vemai agonana a'anana, naida vira'au ai-ni-mui, mai uida ero vura'au-ainimaiva. ¹⁵ Badina ara-ovinai a'unauna amaiva abamuina, ounani uida ero nonoa da vaida vuabi e'u maina ivaruanana a'ana. ¹⁶ Nana vagana Masedoniana akava ko va'isi vaisanimui be aveai vagana. Masedoniana varuia ana va-ero vamai abamuina ero be vusiei'u vagana Judeana. ¹⁷ Ia'adina ra-da a'ada geveri-kaini'u ro'ava e aena? Ara sibou e'u ranai avavai r'ava ana ounanai e'a e ve'o ago kapeanai asia r'oava. ¹⁸ Ko Diravana ena abi-venina ao-nanai,da ea e veo isaka'. ¹⁹ Badina Diravana nakunana Iesu kerisona, a'a Silvanusna, Timotina mai nana iva-raroa ia na da "ea" e "veo" ko iana "ea" no. ²⁰ Badina maorada eva -raroda'ada eva-momo'aida. Ana ounanai Diravana aganana iva gaegae'a boio, mai iva momoai'ava. ²¹ A'ga-naDiravana eugu eva momoai-maiva mai keriso na siauda evenimaiva, ²² mai ena siauda e'veni-maiva mai rauma-nana ao-mai-nai ekorea, i-o'nau-maina. ²³ Ko, Diravana ava'onia veva momo'aiuva, gavaka ounanai da avasiva Korinto nai badina vaida yu mia, a'agamuida eda gae. ²⁴ In'a da emu abi-venina vi-Koi'a ikava ko,emui ra'auna Pauranana i-vavaia,inoku emui abi-veni nai va-ava ira'a.