¹ Avo eto enjo otofu, unga ta jake avo aria ova. Meni Otofu orembevo, nimo re ambotani eto Maha ta pure ari embo eto ari samuna harikart. ² Nimo avo do aja ari avo homora ue, Moses Maha Otofu ta vande ai humora aja angato. ³ Avo eto nimo ari areko kito, usasa pemi be avo Moses humbuna avo sinikena, angato nogo embo avo vande kirikuruja avo pemi ra, vande avo pemi mane. ⁴ Vande betapata amo embo ami kirikeora, rate donda betapata avo Maha Otofu ami ari ra. ⁵ Avo eto Moses ta humora ari avo pemi be, pure embo angato, Maha Otofu ta vande ai. Eto ke hihi iji kombu ai do ati ora avo eto. ⁶ Meni Otofu amita humora ari pemi be, tofo ta meni, nimo avo vande ta tiri jikeri angato. Nango amita vande ra, kebeari eto humora ari mihija eora avo eto. ⁷ Avo eto Ahihi Otofu ami engato ija; ⁸ Eha amita tunga ingito no jo komo surumane ati oa, fefaro ue, iji maha ai engekari bora hambo ae ea angato. ⁹ Amai ai, no maha mane namo fefaro ue, namo eto keri ea. Eto namo pure do ana amo kiara, jua ito ami ta jo ai. ¹⁰ Eto jua 40 ai pure do ana amo kiara, avo eto enana vui amika namo hanana ae ra. Nane ana avo; " enana mana mana ora jo komo ai eto nau vasiri avo kiae ea." ¹¹ Nane hiriketo ana, nau hine kembari ai,' " Enana nau jimokari besi ai mane horati ora. ¹² Eto koko evo, nau enjo hoi, nimo tapa tapa amita jo komo sisae, eto ke be mihae, ami Maha Otofu toto pambohora. ¹³ Avo eto ivo mine ara evo iji betapata, amore " iji eha " Anagato ue, nimo ke eto vasiri sasamuna ami au surumane ati oa. ¹⁴ Meni Otofu ( Jesus ) ka tapa ora, naugo ivo ati ora irikari eto taimbari ai. ¹⁵ Ke re angato ari ra,: " Iji eha amita ingito, ningota jo komo surumane eto fefaro mane ati ora. ¹⁶ Avo ingito fefaro mo ai ? Enana Egypt eto vuvua, Moses ka ? ¹⁷ Eto avoka jua 40 amo hinekambari ai ? Enana vasiri sasamuna ea, eto enana ta hamo borahambo ai sari ena avo re ? ¹⁸ Avo ta ke mo harikaro, ningo nau jimokari besi mane horati ova, ake ari ae ehea avo re ? ¹⁹ Nango kora re, enana horari inono ae ea, amita be avo ke be ae ea.